Parlamenttegılerdıŋ memlekettık tıldı meŋgeruı üşın milliondaǧan qarjy bölınıp jatyr, dep habarlaidy "Adyrna" portaly Ulysmedia.kz saityna sılteme jasap.
«Materialdyq-tehnikalyq qamtamasyz etu basqarmasy» degen mekeme memlekettık tıl boiynşa treningter ötkızu üşın 27 mln teŋge jūmsamaq.
Memlekettık satyp alu portalynynyŋ deregınşe, mekeme 11 aqpan künı «Parasat» jeke käsıpkerlıgımen kelısımşart jasaǧan. Tender «tıkelei bır közden satyp alu» täsılı arqyly ötken. Kelısımşartqa säikes, «Parasat» JK biylǧy 25 jeltoqsanǧa deiın «tapsyrys beruşınıŋ 50 tyŋdauşysyna» memlekettık tılden treningter ötkızuge tiıs. Qūjatta «tyŋdauşylardyŋ» naqty kım ekenı aitylmaǧan.
- «Materialdyq-tehnikalyq qamtamasyz etu basqarmasy» negızınen Parlamenttıŋ şaruaşylyq jūmystaryna jauapty. Sondyqtan 50 «tyŋdauşynyŋ» deputattar ekenın boljauǧa bolady. Onyŋ üstıne, tender tehsipattamasynda trening ötkızıletın oryn retınde Parlament ǧimaraty men Mäjılıs ǧimaratynyŋ mekenjaiy körsetılgen. Tehsipattamada «qyzmettıŋ negızgı maqsaty – tapsyrys beruşınıŋ tyŋdauşylarynyŋ memlekettık tıldı meŋgeruıne jaǧdai jasau» dep jazylǧan. Soǧan qaraǧanda, deputattarǧa memlekettık tıldı üiretudı de memleket öz moinyna alǧan siiaqty», – dep boljaidy telegram-arna iesı, jurnalist Miiat Käşıbai.«Materialdyq-tehnikalyq qamtamasyz etu basqarmasy» öz «tyŋdauşylaryna» tıl üiretu üşın biyl ǧana qyruar qarjy bölmegen. Memsatyp alu portalyndaǧy aqparatqa qaraǧanda, mekeme 2016 jyldan berı «tyŋdauşylaryna» tıl üiretu maqsatynda 14 kelısımşarttyŋ barlyǧyn «Parasat» jeke käsıpkerlıgımen jasasqan. Onyŋ üstıne, barlyq tender «tıkelei bır közden satyp alu» täsılı arqyly ötken. Iаǧni, mekeme aşyq konkurs ötkızbegen, tek bır kompaniiamen kelısımşart jasasa bergen. Nätijesınde, «Parasat» JK 2016 jyldan berı atalǧan mekemeden 285 mln teŋge juyq qarjy alǧan.
- «Parasat» JK iesı – Maqpal Mūrtazaeva degen adam. Aşyq derekközderde ol jaily aqparat joq. Bızge belgılısı – Mūrtazaeva osy uaqytqa deiın tek «Materialdyq-tehnikalyq qamtamasyz etu basqarmasyna» ǧana qyzmet körsetıp kelgen. Öitkenı portalda basqa mekemeden tender alǧanyn kezı joq», – dep tüigen telegram-arnadaǧylar deputattardyŋ, jalpy Qazaqstan azamattarynyŋ memlekettık tıldı üirenuı üşın biudjetten aqşa bölgen dūrys pa degen syŋaida saual qoiady.
"Adyrna" ūlttyq portaly
Ūqsas jaŋalyqtar
