Prezident Qasym-Jomart Toqaev «Jaŋa jaǧdaidaǧy Qazaqstan: Is-qimyl kezeŋı» atty Joldauyn el nazaryna ūsynǧany belgılı. Joldau barysynda Memleket basşysy elımızdegı ekologiialyq jaǧdaiǧa basa nazar audarǧan bolatyn. Atalǧan joldaudyŋ 7-şı bölımınde el Prezidentı elımız boiynşa 2 mlrd aǧaş otyrǧyzatyny turaly baiandaǧan. Osyǧan bailanysty Almaty qalasynyŋ ekologiia jäne qorşaǧan ortany qorǧau basqarmasy «Jasyl aula» dästürlı aksiiasyn qorytyndylady, dep habarlaidy «Adyrna» tılşısı.
Almatylyqtardan barlyǧy 200-ge juyq ötınım kelıp tüstı, onyŋ ışınde 1700 köşet aluǧa 133 ötınım maqūldandy.
Bostandyq, Nauryzbai jäne Alatau audanynyŋ tūrǧyndary asa belsendılık tanytty. Ekologiia jäne qorşaǧan orta basqarmasynyŋ mamandary ötınışter boiynşa köşetterdı taratu jūmystaryna kırısıp kettı.
Eske salsaq, būǧan deiın Almatyda qala tūrǧyndaryna köşet taratu boiynşa «Jasyl aula» aksiiasynyŋ bastalǧany turaly habarlanǧan bolatyn. Qalada köpqabatty üiler aulasy men qoǧamdyq keŋıstıkterdı kögaldandyruǧa niettı almatylyqtarǧa şaǧan, üieŋkı, şegırşın, terek, qaraǧan men qaiyŋnyŋ köşetterın tegın aluǧa mümkındık berıldı.
Aǧaş otyrǧyzu jūmystary 2022 jyldyŋ 27 qazannan bastap jürgızıldı Köşetterdı taratu 3 qaraşaǧa deiın kelesı mekenjai boiynşa jüzege asyrylady: Almaty q., Alatau audany, Ūljan-2 şaǧyn audany, Bertaiyzy k-sı, 24.
Köşetterdı otyrǧyzǧannan soŋ olardyŋ fotoesepterın jıberu qajet.
Ūqsas jaŋalyqtar
