Qazaqstannyń Ekologııa, geologııa jáne tabıǵı resýrstar mınıstrligi 2 mıllıard aǵash otyrǵyzý jospary týraly aıtty, dep habarlaıdy "Adyrna" ulttyq portaly.
"Joba respýblıkalyq bıýdjetten de, jergilikti bıýdjetten de qarjylandyrylatyn bolady. Onyń 22 mıllıard teńgesi respýblıkalyq bıýdjetten, 60 mıllıard teńgesi jergilikti bıýdjetten bólinedi. Tıisti tehnıka men jabdyqty satyp alýǵa qarajat qajet", - dedi Ekologııa, geologııa jáne tabıǵı resýrstar vıe-mınıstri Álııa Shalabekova Ortalyq kommýnıkaııalar qyzmetinde ótken brıfıngte.
Bul aqshaǵa traktorlar, otyrǵyzý mashınalary, qopsytqyshtar satyp alynady. Kógaldandyrý materıalyn ósirýge arnalǵan pıtomnıkterdiń aýmaǵy ulǵaıtyldy.
"Bıylǵy kóktemde 21 600 gektar aýmaqqa 81 mıllıon 500 myń aǵash otyrǵyzyldy. Kúzgi otyrǵyzý 48 mıllıon 200 myń aǵashty quraıdy. Jyl saıyn otyrǵyzylatyn aǵashtardyń sany ósedi. Sonymen, kelesi jyly shamamen 244 mıllıon aǵash otyrǵyzý josparlanyp otyr. 2023 jyly - 411 mıllıon, 2024 jyly - 573 mıllıon, 2025 jyly - 643 mıllıon aǵash", - dedi ol.
Mınıstrlik sekseýil, qaraǵaı, úıeńki, qaraǵash jáne qaıyń aǵashtaryn otyrǵyzýdy josparlap otyr.
"Adyrna" ulttyq portaly
