Memleket basshysy Qasym-Jomart Toqaev bıylǵy Joldaýynda ekologııalyq ahýalǵa basa nazar aýdaryp, kógaldandyrý aýqymyn keńeıtý máselesin sóz qyldy. Prezıdent Joldaýynda Úkimetke ekologııalyq ahýaldy jaqsartý jónindegi sharalardy naqty júzege asyrýǵa kirisýdi tapsyrdy, dep habarlaıdy «Adyrna» tilishisi.
Prezıdenttiń bul tapsyrmasyn Almaty qalalyq Ekologııa jáne qorshaǵan orta basqarmasy buljytpaı oryndaý ústinde.
Sáıkesinshe, búgingi kúni óńirde qala aýmaǵyn kógaldandyrý jobasyn júzege asyrylýda. Jobaǵa sáıkes kópjyldyq ósimdikter úlesin 17%-dan 60%-ǵa deıin ulǵaıtý josparlanýda.
Birjyldyq jáne kópjyldyq ósimdikter, negizinen, sáýir-mamyr aılarynda otyrǵyzylady, kútip-baptaý jumystary maýsymnan qyrkúıekke deıin, al gúlzarlardy jınap, jýalylardy otyrǵyzý qazan aıynda júrgiziledi
Bıyl kópjyldyq ósimdikterdiń jalpy kólemi 50%-dan asty – 74,3 sharshy m (raýshan – 40 600, ehınaeıa - 7 200, lıleınık – 4 000, lavanda – 7 500, shalfeı – 3 600, mıskantýs – 5 200, gortenzııa – 3 500 jáne t.b)
2022 jyly jalpy kólemi 159 myń sharshy metr gúlmen bezendirilip (onyń ishinde aldyńǵy jyldardaǵy kópjyldyq ósimdikterdiń kútimi), 26 myń sharshy metr gazon egildi.
