Ūlytau oblysynyŋ prokuraturasy eldı mekenderdı kögaldandyruǧa jäne qorşaǧan ortaǧa ūqypty qarau mädenietın qalyptastyruǧa baǧyttalǧan örık süiekterın jappai otyrǧyzu jönındegı ekologiialyq bastamany qolǧa aldy.
Bastamanyŋ negızınde barşaǧa qoljetımdı qarapaiym ideia jatyr: örık pen örık qaǧynyŋ süiekterın tastamai, jinap, otyrǧyzu materialy retınde paidalanu.
Örık ärtürlı tabiǧi jaǧdailarǧa jaqsy beiımdeledı, al ony süiekten ösıru kürdelı daiyndyqty qajet etpeidı. Köpşılık jūmyla qatysqan jaǧdaida osyndai qarapaiym ärekettıŋ özı uaqyt öte kele eleulı ekologiialyq nätije beredı.
Būl bastama Qazaqstan Prezidentı Qasym-Jomart Toqaevtyŋ ūsynysymen BŪŪ Bas Assambleiasynyŋ 22 säuırdı Halyqaralyq planetany kögaldandyru künı dep jariialau turaly şeşımı aiasynda erekşe maŋyzǧa ie.
Ūlytau oblysynda būl ideia ıs jüzınde jüzege asyryla bastady. Bastamaǧa mektep oquşylary men memlekettık organdar qosylyp, öŋır aumaǧynda süiekterdı jinau jäne otyrǧyzu jūmystary jürgızılude.
Öskeleŋ ūrpaqty tartuǧa erekşe nazar audaryldy. Balalardyŋ köşet otyrǧyzuǧa qatysuy kögaldandyruǧa naqty üles qosyp qana qoimai, olardyŋ boiynda jastaiynan tabiǧatqa ūqypty qarau mädenietı men qorşaǧan ortanyŋ jai-küiıne degen jeke jauapkerşılıktı qalyptastyruǧa mümkındık beredı.
Bastamanyŋ basty erekşelıgı – onyŋ qoljetımdılıgınde. Qatysu üşın arnaiy jabdyq pen qomaqty qarajat qajet emes: süiektı saqtap, onyŋ aǧaşqa ainaluyna mümkındık beru jetkılıktı.
Eger osy qarapaiym bastamany myŋdaǧan adam qoldasa, bügın otyrǧyzylǧan süiekter keleşekte myŋdaǧan aǧaşqa ainalyp, qalalar men auyldardyŋ jasyl jelekke bölenuıne ärı paidaly ekologiialyq ädettıŋ qalyptasuyna yqpal etedı.
Süiektı tastama — tabiǧatqa mümkındık ber!
