پرەزيدەنت قاسىم-جومارت توقاەۆ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىن ەل نازارىنا ۇسىنعانى بەلگىلى. جولداۋ بارىسىندا مەملەكەت باسشىسى ەلىمىزدەگى ەكولوگيالىق جاعدايعا باسا نازار اۋدارعان بولاتىن. اتالعان جولداۋدىڭ 7-ءشى بولىمىندە ەل پرەزيدەنتى ەلىمىز بويىنشا 2 ملرد اعاش وتىرعىزاتىنى تۋرالى بايانداعان. وسىعان بايلانىستى الماتى قالاسىنىڭ ەكولوگيا جانە قورشاعان ورتانى قورعاۋ باسقارماسى «جاسىل اۋلا» ءداستۇرلى اكتسياسىن قورىتىندىلادى، دەپ حابارلايدى «ادىرنا» ءتىلشىسى.
الماتىلىقتاردان بارلىعى 200-گە جۋىق ءوتىنىم كەلىپ ءتۇستى، ونىڭ ىشىندە 1700 كوشەت الۋعا 133 ءوتىنىم ماقۇلداندى.
بوستاندىق، ناۋرىزباي جانە الاتاۋ اۋدانىنىڭ تۇرعىندارى اسا بەلسەندىلىك تانىتتى. ەكولوگيا جانە قورشاعان ورتا باسقارماسىنىڭ ماماندارى وتىنىشتەر بويىنشا كوشەتتەردى تاراتۋ جۇمىستارىنا كىرىسىپ كەتتى.
ەسكە سالساق، بۇعان دەيىن الماتىدا قالا تۇرعىندارىنا كوشەت تاراتۋ بويىنشا «جاسىل اۋلا» اكتسياسىنىڭ باستالعانى تۋرالى حابارلانعان بولاتىن. قالادا كوپقاباتتى ۇيلەر اۋلاسى مەن قوعامدىق كەڭىستىكتەردى كوگالداندىرۋعا نيەتتى الماتىلىقتارعا شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرىن تەگىن الۋعا مۇمكىندىك بەرىلدى.
اعاش وتىرعىزۋ جۇمىستارى 2022 جىلدىڭ 27 قازاننان باستاپ جۇرگىزىلدى كوشەتتەردى تاراتۋ 3 قاراشاعا دەيىن كەلەسى مەكەنجاي بويىنشا جۇزەگە اسىرىلادى: الماتى ق.، الاتاۋ اۋدانى، ۇلجان-2 شاعىن اۋدانى، بەرتايىزى ك-ءسى، 24.
كوشەتتەردى وتىرعىزعاننان سوڭ ولاردىڭ فوتوەسەپتەرىن جىبەرۋ قاجەت.
