Foto Jİ kömegımen jasaldy
22 qyrküiek – Qazaqstan halqynyŋ tılderı künı. Būl data qazaq tılınıŋ memlekettık märtebesın aiqyndaǧan tarihi qūjattyŋ qabyldanuymen bailanysty.
Osydan 37 jyl būryn, 1989 jylǧy 22 qyrküiekte Qazaq KSR-nıŋ «Tılder turaly» zaŋy qabyldandy. Qūjatta qazaq tılı memlekettık tıl retınde bekıtılıp, onyŋ qoǧamdyq ömırdegı qoldanylu aiasyn keŋeituge qūqyqtyq negız qalandy. Al orys tılı ūltaralyq qatynas tılı retınde belgılendı.
Būl zaŋ qazaq tılınıŋ bılım beru, mädeniet, memlekettık basqaru jäne basqa da qoǧamdyq salalarda qoldanyluyna jol aşty. Tıl mäselesınıŋ zaŋnamalyq deŋgeide bekıtıluı sol kezeŋ üşın maŋyzdy tarihi qadam boldy.
Qazaqstan täuelsızdık alǧannan keiın tıl saiasaty jaŋa kezeŋge öttı. 1997 jylǧy 11 şıldede «Qazaqstan Respublikasyndaǧy tılder turaly» zaŋ qabyldandy. Atalǧan qūjat Qazaqstan aumaǧyndaǧy tılderdıŋ qoldanyluy men damuyna qatysty negızgı qūqyqtyq normalardy aiqyndady.
Qoldanystaǧy zaŋ boiynşa qazaq tılı – Qazaqstan Respublikasynyŋ memlekettık tılı. Memlekettık tıldıŋ märtebesı Konstitusiiada da bekıtılgen.
Tıl – ūlttyŋ mädenietı men tarihi jadyn saqtaityn negızgı qūndylyqtardyŋ bırı. Sondyqtan 22 qyrküiek – tıldıŋ qoǧamdaǧy orny men ony damytu mäselesıne nazar audaratyn maŋyzdy kün.
