Jezqazǵan áýejaıynda ushaq qonǵannan keıin oblys basshysyna jeke kólik berilgende Ulytaý oblysynyń ákimi Berik Ábdiǵalıuly vıdeoǵa túsip qalǵan. Jaǵdaıǵa qatysty ákimdiktiń baspasóz qyzmeti túsinikteme berdi, dep habarlaıdy “Adyrna” ulttyq portaly.
Bloger túsirgen vıdeoda oblys ákimi Berik Ábdiǵalıuly Jezqazǵan áýejaıynda ushaqtan túsip, ony qyzmetker kútip alyp, bólek avtobýsqa shyǵaryp salǵany kórsetilgen. Bul blogerdiń ashýyn keltirdi.
Bloger áýejaı qyzmetkerinen kamerany jyljytyp, avtobýsqa kólikpen ákelingen qart áıeldi nusqap: "Nege ákimdi kólikte qarsy alyp jatyrsyń? Arbada otyrǵan áje bar, al ol avtobýsta", - dep surady..
Ulytaý oblysy ákimdiginiń baspasóz qyzmetiniń habarlaýynsha, oqıǵa 20 qazanda bolǵan. Ákimdi shaǵyn avtobýsta qarsy alý áýejaı basshylyǵynyń bastamasy boldy.
«Jezqazǵan áýejaıynyń ıesi «Qazaqmys» korporaııasy» JShS bolyp tabylady. Oblys bıýdjetinde oblys basshylyǵyn jeńildikti kólikter arqyly alyp júrýge qarjy qarastyrylmaǵan. Sáıkesinshe, oblys ákiminiń kezdesýi áýejaı basshylyǵynyń bastamasymen ótti. Jalpy, óńir basshysy issaparlary kezinde qalanyń áýe aılaǵynyń ortaq jolaýshylar kóligin únemi paıdalanatynyn málimdeımiz», - dep habarlady oblys ákimdiginiń baspasóz qyzmeti.
Eske salaıyq, 2022 jyldyń 11 maýsymynda Elbasynyń Jarlyǵymen Berik Ábdiǵalıuly Ulytaý oblysynyń ákimi bolyp taǵaıyndaldy.
