Áleýmettik jelide qaraǵandylyq áıeldiń "qazaqtar múldem bolmaǵan, olar qytaılyqtar" degen vıdeosy keń tarap, kópshiliktiń narazylyǵyn týdyryp jatyr, dep habarlaıdy "Adyrna" ulttyq portaly.
Belgili bolǵandaı, Qaraǵandydaǵy jyldam tamaqtaný jelisi kóshede ótip bara jatqandar arasynda saýalnama júrgizgen.
Vıdeo avtory: «Suraqqa jaýap berip, dóner alyńyz. Qazaq handyǵy qaı jyly quryldy? – dep surady kóshede ótip bara jatqan áıelden.
"Qandaı qazaq? Qazaqtar múldem bolǵan joq. Qazaqtar - qytaılyqtar", - dep jaýap berdi ol.
Áıeldiń bul jaýaby qazaqstandyqtardyń namysyna tıip, ashýlandyrdy.
"Taýyp alyp, elden qýý kerek", "Osyndaıdan keıin bulardy qalaı jaqsy kórýge bolady?", "Shekten shyqty", "Ultaralyq arazdyq týdyrǵany úshin tıisti shara qoldanylyp, jaýapkershilikke tartylsyn", - dep jazdy jeli qoldanýshylary.
"Adyrna" ulttyq portaly
