Jastarǵa Ahmet Baıtursynovtyń tóte jazýy oqytylatyn boldy

3322
Adyrna.kz Telegram

Alash murasy jáne ulttyq jazý órkenıetin jas urpaqqa tanystyryp, shákirtterdi rýhanııat qaınarynan sýsyndatý úshin Ahmet Baıtursynovtyń shyǵarǵan tóte jazýy arnaıy oqytylatyn boldy, dep habarlaıdy "Adyrna" ulttyq portaly. 

Aqjarma jańalyq jaıly alashtanýshy ǵalym, belgili zertteýshi Aıgúl Ismaqova jazdy:

"ál-Farabı atyndaǵy ulttyq ýnıversıtettiń mereıi ústem boldy. Ýnıversıtette Ult ustazynyń tóte jazýy oqytylatyn boldy. "El búginshil, meniki erteń úshin degen Ahmet Baıtursynovtyń sózi beker aıtylmaǵan eken!" - dedi ǵalym.

Habarlandyrýda: "Ahmet Baıtursynovtyń týǵanyna 150 jyl tolýyna oraı ǵalymnyń óz ádisi boıynsha tóte jazýdy úıretiledi. Kelem deýshilerge esigimiz ashyq!" - delingen.

Bastamaǵa qatysty alashtanýshy ǵalymdar, jas izdenýshiler men oqyrmandar pikir bildirdi.

"Óte jaqsy bolypty, áıtpese keıingi urpaq árip tanymaı, babalary ne jazyp ketkenin oqı almaıtyn edi. Óıtkeni 1930-ynshy jyldarǵa deıingi jazba muralar tóte jazýmen basylǵan ǵoı", "Keremet, qutty bolsyn!" - dedi oqyrmandar.

"Adyrna" ulttyq portaly

Pikirler