Tailandtyŋ Phangan araly, Haad-Rin jaǧajaiynda äbes äreketke baryp, adamdarǧa şabuyl jasaǧan qazaqstandyq turist ūstaldy. Ol doŋaibat äreket jasap, demaluşylardyŋ mülkıne zalal keltırgen. Būl jaily jergılıktı polisiia qyzmetkerlerı mälımdedı, dep habarlaidy "Adyrna" ūlttyq portaly Tengritravel.kz jäne jergılıktı "CH3" telearnasyna sılteme körsete otyryp.
Haad-Rin jaǧajaiynda şeteldık turistıŋ "esınen adasqany" turaly phangan polisiiasyna habar kelıp tüsken.
"Ol adamdardyŋ qyr soŋynan qalmai, jergılıktı tūrǧyndarǧa şabuyl jasap, kurortta jäne jaǧajai maŋyndaǧy meiramhanalardaǧy demaluşylardyŋ mülkıne zalal keltırgen", - dep habarlaidy "CH3" kanaly.https://youtu.be/EaNq6a8-pvg Jergılıktı qūqyq qorǧau organdarynyŋ qyzmetkerlerı qazaqstandyq turistı ūstamaq bolǧanda, ol qorşaudan sekırıp, teŋız ortasyndaǧy jartastarǧa şyǧap alǧan.
"Ol qolymen būlǧap, qazaqşa aiǧailaǧan (negızınde orys tılınde aiǧailap otyr - avt. tüsındırmesı), videodan baiqauǧa bolady", - dep jazdy tailandtyq ThaiRath basylymy.Polisiia mälımetınşe, er adammen bırge ekı äiel bolǧan, olardy poliseiler sudan şyǧaryp, öz äreketı üşın jauap beruın talap etken. Alaida tıl bılmegendıkten kelıssıözder qiynǧa soqqan. "SN3" telearnasynyŋ habarlauynşa, jasy men esımı atalmaǧan qazaqstandyq syra ışıp, apiyn şekkennen keiın öz-özın ūstai almai abyroiyn tökkenın aitqan. Barlyq zalaldy öteitının mälımdegen.
"Adyrna" ūlttyq portaly
Ūqsas jaŋalyqtar
