Jaqynda Almatydaǵy Ortalyq kitaphanada Almaty qalasy Ishki saıasat basqarmasynyń qoldaýymen «Adyrna» ulttyq-etnografııalyq birlestiginiń "Azamattyq borysh" jobasynyń aıasynda Aýǵan soǵysy ardagerleri qatysqan dóńgelek ústel ótti.
Bul jıynǵa jastar men qoǵam qaıratkerleri jáne kitaphana qyzmetkerleri qatysty. Ardagerler óz kezeginde Aýǵan soǵysynyń sebepteri men ózderiniń basynan keshken oqıǵalardy baıandap berdi.
Bir ardager ushqysh bolsa, ekinshisi áskerge qarý-jaraq pen dári-dármek jetkizýge mindetti mashına júrgizýshi, endi biri medıına qyzmetkeri, mına zalalsyzdandyratyn saperler, bári de óz estelikterimen bólisti.
Jınalǵan jurtshylyqtyń kóz aldynda shynaıy oqıǵalar birinen soń biri zýyldap ushqan oqtardaı tez ótip jatty. Kezdesýge kelgen ardagerlerdiń bári de ómir men ólimniń arasynda ot keshken azamattar edi. Ári ózderi kózimen kórip, júregimen sezingen jaǵdaılary aıtý olarǵa da ońaı soqpady. Soǵys bolǵan soń qurbandyqsyz bolmaıtyny taǵy da belgili. Ásirese ardagerlerdiń aıtýǵa qınalǵan kezderi qarýlas dostanynyń qaza tapqanyn aıtý edi.
Jergilikti halyqtyń turmys tirshiligi dep nazardan tys qalǵan joq. Aýǵanstan damý jaǵynan Qazaqstan álde qaıda kesheýildep kele jatqan el. Ári dinı aǵymdar da óz degenin istep jatty.
Ardagerlerdiń bári de bir aýyzdan jastarǵa aıtqany, kúmándi dinı aǵymdarǵa erip ketpeńder, dedi. Jıynǵa jınalǵan jastar ardager aǵalarynyń naqylyn túsinistikpen tyńdady.
Dóńgelek ústelge qatysýshy aýǵan soǵysy ardagerleri álemdegi terrorızmniń sebepterin jan jaqty ashyp,naqtylap túsindirip berdi. Jastarǵa abaı bolý kerektigin túsindirdi.
Jıyn sońynda «Adyrna» ulttyq etnografııalyq birlestiginiń basshysy Arman Áýbákir sóz alyp jastarmen kezdesýge kelgen ardagerlerge alǵysyn jetkizip, syı-sııapatyn usyndy. Ár adagerge jastardy tárbıeleýge arnalǵan jıyndarǵa belsene qatysqany úshin marapat qaǵazdary tapsyryldy.
