اۋعان سوعىسى تاقىرىبىنا ارنالعان دوڭگەلەك ۇستەل ءوتتى

2643
Adyrna.kz Telegram

جاقىندا الماتىداعى ورتالىق كىتاپحانادا الماتى قالاسى ىشكى ساياسات باسقارماسىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگىنىڭ "ازاماتتىق بورىش" جوباسىنىڭ اياسىندا اۋعان سوعىسى ارداگەرلەرى قاتىسقان دوڭگەلەك ۇستەل ءوتتى.

بۇل جيىنعا جاستار مەن قوعام قايراتكەرلەرى جانە كىتاپحانا قىزمەتكەرلەرى قاتىستى. ارداگەرلەر ءوز كەزەگىندە اۋعان سوعىسىنىڭ سەبەپتەرى مەن وزدەرىنىڭ باسىنان كەشكەن وقيعالاردى بايانداپ بەردى.

ءبىر ارداگەر ۇشقىش بولسا، ەكىنشىسى اسكەرگە قارۋ-جاراق پەن ءدارى-دارمەك جەتكىزۋگە مىندەتتى ماشينا جۇرگىزۋشى، ەندى ءبىرى مەديتسينا قىزمەتكەرى، مينا زالالسىزداندىراتىن ساپەرلەر، ءبارى دە ءوز ەستەلىكتەرىمەن ءبولىستى.

جينالعان جۇرتشىلىقتىڭ كوز الدىندا شىنايى وقيعالار بىرىنەن سوڭ ءبىرى زۋىلداپ ۇشقان وقتارداي تەز ءوتىپ جاتتى. كەزدەسۋگە كەلگەن ارداگەرلەردىڭ ءبارى دە ءومىر مەن ءولىمنىڭ اراسىندا وت كەشكەن ازاماتتار ەدى. ءارى وزدەرى كوزىمەن كورىپ، جۇرەگىمەن سەزىنگەن جاعدايلارى ايتۋ ولارعا دا وڭاي سوقپادى. سوعىس بولعان سوڭ قۇرباندىقسىز بولمايتىنى تاعى دا بەلگىلى. اسىرەسە ارداگەرلەردىڭ ايتۋعا قينالعان كەزدەرى قارۋلاس دوستانىنىڭ قازا تاپقانىن ايتۋ ەدى.

جەرگىلىكتى حالىقتىڭ تۇرمىس تىرشىلىگى دەپ نازاردان تىس قالعان جوق. اۋعانستان دامۋ جاعىنان قازاقستان الدە قايدا كەشەۋىلدەپ كەلە جاتقان ەل. ءارى ءدىني اعىمدار دا ءوز دەگەنىن ىستەپ جاتتى.

ارداگەرلەردىڭ ءبارى دە ءبىر اۋىزدان جاستارعا ايتقانى، كۇماندى ءدىني اعىمدارعا ەرىپ كەتپەڭدەر، دەدى. جيىنعا جينالعان جاستار ارداگەر اعالارىنىڭ ناقىلىن تۇسىنىستىكپەن تىڭدادى.

دوڭگەلەك ۇستەلگە قاتىسۋشى اۋعان سوعىسى ارداگەرلەرى الەمدەگى تەرروريزمنىڭ سەبەپتەرىن جان جاقتى اشىپ،ناقتىلاپ ءتۇسىندىرىپ بەردى. جاستارعا اباي بولۋ كەرەكتىگىن ءتۇسىندىردى.

جيىن سوڭىندا «ادىرنا» ۇلتتىق ەتنوگرافيالىق بىرلەستىگىنىڭ باسشىسى ارمان اۋباكىر ءسوز الىپ جاستارمەن كەزدەسۋگە كەلگەن ارداگەرلەرگە العىسىن جەتكىزىپ، سىي-سياپاتىن ۇسىندى. ءار اداگەرگە جاستاردى تاربيەلەۋگە ارنالعان جيىندارعا بەلسەنە قاتىسقانى ءۇشىن ماراپات قاعازدارى تاپسىرىلدى.

 

 

 

 

 

 

پىكىرلەر