Atyraýdaǵy №25 mekteptiń 4- synyp oqýshylary sabaqqa barýdan bas tartty. Aıtýlarynsha, olardy joǵary synyptaǵylar qorqytyp, aqsha jınaǵan. Sondaı-aq, túsiniksiz qurǵaq untaqty jeýge májbúrlegen kórinedi. Ata-analar balalar belgisiz zattan ýlanyp, aýyrǵan soń ǵana bildik bul jaǵdaıdy dep dabyl qaǵady. Al mektep basshylyǵy ózderine shań jýytpaı otyr. Bul týraly Astana.tv habarlady, dep jazady "Adyrna" ulttyq portaly.
Áıgerim Botaǵarıeva 4 synyp oqıtyn ulynyń sońǵy kezde túrli syltaýmen jıi aqsha suraı bastaǵanyna kúdiktengen. Aldymen 500, keıin 1000, sosyn eki myń teńge surap alǵan. Taǵy birde ákesiniń ámııanynan ruqsatsyz aqsha alynǵanyn baıqapty. Al eki kún buryn uly sabaqtan kelisimen basynyń aınalǵanyn aıtyp, esinen tanyp qulaı jazdaıdy. Sol sátte kelinshek balasyna kelgen habarlamany oqyp, shalqasynan túskenin aıtady.
«Berdiqoja, erteń 4 myń alyp kel, aǵalar keledi, odnarazka alyp keledi. Erteń bizdi óltiredi ǵoı. Men sondaı sondaılardy kórgende, shoshımyn da. Ol mektepke aparmańyzdarshy ótinemin. Men barsam, meni óltiredi deıdi. Sebebi bir balanyń qaltasynan pyshaq kórdim bizdi qorqytty», - deıdi ata-ana Áıgerim Botaǵarıeva.
Áıgerim osydan keıin ózge balalardyń ata-anasymen sóılesken. Balalar 9-synypta oqıtyn aǵalaryna aqsha berip otyrǵanyn aıtqan. Tipti sońǵy kezde shóp arasyna qaldyrǵan qurǵaq sýsyndy jeýdi talap etip, alystan baqylap júrgen kórinedi.
«Úsheýmiz týaletten shyǵyp kele jatqanda qaǵyp ketip edik dedi baıqamaı. Sodan basymyzdan salyp qaldy,- deıdi. Basymyzdan salyp qalyp, «erteńnen bastap aqsha alyp kelesińder 2 myń»,- dep aıtty deıdi. Kelesi kúni taba almaı kelgen úshin bala meniń balamdy ustap alyp, mekteptiń artyna baryp soqty deıdi meni. Iterip qalyp eki tepti ishimnen, sosyn aıaǵymnan tepti dep tur. Sodan bastap aqsha jınaý bastaldy. Eki myń, artynan 3 myń berdim, artynan 4 myń berdim deıdi. Bala biraq qorqyp, áli durys aıta almaı otyr», - dedi ata-ana Danııar Qaǵazov.
«Aralady da, ıýpıdiń qaǵazyn alyp shyqty. Alyp shyqty biz salyp aldyq. Ishinde kishkentaı úgindi. Iýpıdi aralastyrǵan, arasynda bóten nárse bar ekeni belgili bolyp tur. Biz paketti alyp, aýzymyzǵa salmaıynsha deıdi velosıped turatyn jerde 3 bala qarap turady deıdi. Biz aýzymyzǵa salǵannan keıin ana balalar ketip qalady», - dedi ata-ana Ǵalııa Moınaqova.
Ata-analar bul týraly mektep basshylyǵyna habarlaǵan. Balalardyń aıtýymen, 9-synyp oqýshylary men olardyń ata-analaryn shaqyryp sóılesipti. Biraq eshqaısysy moıyndamaı qoıǵan. Mektep dırektory da bul iske joǵary synyptyń oqýshylarynyń qatysy bolýy múmkin emes dep azar da bezer bolady.
«Balalardy shaqyrttyq, ata-analardy shaqyrttyq, biraq balalar jylap tur. Biz eshqandaı aqsha jınaǵanymyz joq dep. Syrt adam bolyp tur ǵoı. Mekteptiń ishinde dep oılamaımyn. Mekteptiń ishinde emes, syrttaǵy nárse», - deıdi B.Momyshuly atyndaǵy №25 orta mektep dırektorynyń mindetin atqarýshy Baqtyly Nurjanova.
Ata-analar máseleniń mán-jaıyn beınekamera arqyly da anyqtamaq bolǵan. Alaıda mekteptiń syrtyndaǵy beınekamerada 2-qyrkúıekten bastap eshteńe túsirilmegen. Al dálizdegi kameralar tómen qarap turǵandyqtan, eshteńe kóre almadyq,- deıdi. Endi mekteptegi jaǵdaıdy polıııa anyqtaýǵa kiristi.
«Tekserý jumystaryn júrgizemiz. Eger qylmys quramy bolsa, qylmys bolady. Ákimshilik bolsa, ákimshilik bolady. Qosymsha jetkizemiz tekserip, anyqtap», - dedi Atyraý oblysy PD jergilikti polıııa qyzmeti basqarmasynyń bastyǵy Erlan Bıǵambaev.
Bilim bóliminiń aqparatynsha, mektepke barýdan bas tartqan 4-synyp oqýshylaryna psıhologııalyq kómek kórsetiledi. Al bilim oshaǵynda álimjettiktiń bar ekeni ras pa, joq pa, ony polıııa anyqtaıdy.
"Adyrna" ulttyq portaly
