Helga Shmıdke Astana halyqaralyq forýmyna qatysqany úshin alǵys aıta otyryp, Toqaev bul forým Batys pen Shyǵys arasyndaǵy baılanysty nyǵaıtýdyń jańa alańyna aınalýdy kózdeıtinin atap ótti, dep habarlaıdy "Adyrna" ulttyq portaly.
"Osy forýmda Siz bastaǵan EQYU delegaııasy qazirgi álemde oryn alyp otyrǵan kóptegen máselelerdi sheshýge zor úles qosady dep oılaımyn. Qazaqstan úshin EQYU-men yntymaqtastyqta bolý saıası basymdyq bolyp tabylady. Biz Uıymnyń róline qatysty bar kelispeýshilikterge alańdaımyz. 2010 jyly Astanada ótken sammıtten keıin mınıstrler deńgeıinde de, basqa formatta da birde-bir resmı qujat qabyldanǵan joq. Árıne, bul bizdi alańdatady. Biz Uıym aıasynda berik baılanystar qajet ekenine senimdimiz», - dedi Memleket basshysy.
Prezıdenttik aıtýynsha, Qazaqstan EQYU-nyń belsendi múshesi bolyp tabylady. Toqaev elimizdiń EQYU-men ózara tıimdi seriktestik pen ashyqtyq rýhynda tyǵyz yntymaqtastyqty jalǵastyrýǵa jáne Uıymnyń Bas hatshysy retinde Helge Shmıdke jan-jaqty qoldaý kórsetýge daıyn ekenin málimdedi.
"Adyrna" ulttyq portaly
