Búgin Oralda «Mereıli otbasy - 2024» ulttyq baıqaýynyń oblystyq kezeńiniń jeńimpazdary marapattaldy.
Júldegerlerdi oblys ákimi Narıman Tóreǵalıev quttyqtady.
- Oblys boıynsha 11 jyldyń ishinde ulttyq baıqaýdyń kezeńderine 2 205 otbasy qatysty. Oǵan qatysýǵa nıet etýshiler de jyl saıyn artyp keledi.
Bıylǵy baıqaýdyń qala jáne aýdandyq kezeńine 205 ótinim túsip, 26 otbasynyń qujattary oblystyq kezeńge joldanǵan.
Arnaıy qurylǵan komıssııanyń sheshimimen 13 otbasy oblystyq kezeńge joldanyp, búgin sharada bas qosyp otyrsyzdar.
Ár otbasynyń ál-aýqatyn jaqsartý - Ádiletti Qazaqstandy qurý jolyndaǵy negizgi mindettiń biri.
Otbasy – memleket nazarynan eshqashan tys qalǵan emes. Keshegi sý tasqyny kezinde, oblys boıynsha zardap shekken otbasylarǵa gýmanıtarlyq kómek berilip, bir rettik járdemaqylar taǵaıyndaldy. Jalpy 1 383 turǵyn úı jóndelýge jatsa, sonyń 1 310-y jódeýden ótti. 775 jańa turǵyn úıdiń qurylysy júrip jatyr, - dedi oblys ákimi.
Úshinshi orynǵa Aqjaıyq aýdanynan qatysqan Ajgalıevter otbasy ıe boldy. Al ekinshi oryn Qaratóbe aýdanynan kelgen Baıtemirovter otbasyna buıyrdy. Oral qalasynyń atynan qatysqan Hamzınder otbasy jeńimpaz atanyp, Astana qalasynda ótetin respýblıkalyq kezeńge joldama aldy.
Dınara Nasyr
