Bügın Oralda «Mereilı otbasy - 2024» ūlttyq baiqauynyŋ oblystyq kezeŋınıŋ jeŋımpazdary marapattaldy.
Jüldegerlerdı oblys äkımı Nariman Töreǧaliev qūttyqtady.
- Oblys boiynşa 11 jyldyŋ ışınde ūlttyq baiqaudyŋ kezeŋderıne 2 205 otbasy qatysty. Oǧan qatysuǧa niet etuşıler de jyl saiyn artyp keledı.
Biylǧy baiqaudyŋ qala jäne audandyq kezeŋıne 205 ötınım tüsıp, 26 otbasynyŋ qūjattary oblystyq kezeŋge joldanǧan.
Arnaiy qūrylǧan komissiianyŋ şeşımımen 13 otbasy oblystyq kezeŋge joldanyp, bügın şarada bas qosyp otyrsyzdar.
Är otbasynyŋ äl-auqatyn jaqsartu - Ädılettı Qazaqstandy qūru jolyndaǧy negızgı mındettıŋ bırı.
Otbasy – memleket nazarynan eşqaşan tys qalǧan emes. Keşegı su tasqyny kezınde, oblys boiynşa zardap şekken otbasylarǧa gumanitarlyq kömek berılıp, bır rettık järdemaqylar taǧaiyndaldy. Jalpy 1 383 tūrǧyn üi jöndeluge jatsa, sonyŋ 1 310-y jödeuden öttı. 775 jaŋa tūrǧyn üidıŋ qūrylysy jürıp jatyr, - dedı oblys äkımı.
Üşınşı orynǧa Aqjaiyq audanynan qatysqan Ajgalievter otbasy ie boldy. Al ekınşı oryn Qaratöbe audanynan kelgen Baitemırovter otbasyna būiyrdy. Oral qalasynyŋ atynan qatysqan Hamzinder otbasy jeŋımpaz atanyp, Astana qalasynda ötetın respublikalyq kezeŋge joldama aldy.
Dinara Nasyr
