Búgingi tańda oblysta tórt halyqaralyq (Samara, Orynbor, Tolıattı, Saratov), biroblysaralyq marshrýt jumys isteıdi (Atyraý). 24 aýdanaralyq marshrýtqa 18 tasymaldaýshy qyzmet kórsetedi. Barlyq 12 aýdan ortalyǵy avtobýs marshrýttarymen qamtylǵan. Bul týraly BQO jolaýshylar kóligi jáne avtomobıl joldary basqarmasynyń basshysy Baýyrjan Aıtmaǵambetov aıtyp berdi.
Baýyrjan Esqaıyrulynyń aıtýynsha, 2023 jyly ótken konkýrstar qorytyndysy boıynsha Oraldan úsh aýdanaralyq avtobýs marshrýty qaıta ashyldy. Qaztalov, Jympıty jáne bıyl Saryómir, Qamysty, Saıqyn marshrýttary jańadan oınalyp, qyzmet kórsete bastaǵan. Byltyr áleýmettik mańyzy bar baǵyttarda 233 743 jolaýshy tasymaldanǵan.
– Sońǵy jyldary oblystyq bıýdjetten bólinetin sýbsıdııa kólemi artyp keledi, sonymen qatar sýbsıdııalanatyn marshrýttar sany da ósýde. Bıylǵy jylǵa 382,8 mln teńge sýbsıdııa bólindi. Búgingi kúnge 13 tasymaldaýshy 16 marshrýt boıynsha sýbsıdııa alyp otyr. Jalpy aýdan ortalyqtaryna qatynaıtyn áleýmettik mańyzy bar marshrýttardy sýbsıdııalaý turǵyndardyń az qamtylǵan bóligi úshin qoljetimdilikti qamtamasyz etip, áleýmettik máselelerdi sheshýge yqpal etti, – deıdi basqarma basshysy.
Sýbsıdııa jáne oblys ákimdiginiń qoldaýy arqasynda aýdanaralyq marshrýttarda qyzmet kórsetetin tasymaldaýshylardyń avtoparkteri jańartylyp keledi. 2020-2023 jyldar kezeńinde 15 jańa avtobýs satyp alyndy. Bul jolaýshylarǵa qyzmet kórsetý sapasyn jaqsartýǵa óz áserin tıgizdi. Bizdiń oblys arqyly «Almaty-Saratov» halyqaralyq poıyzy, «Oral-Astana», «Oral-Almaty», «Oral-Mańǵyshlaq» oblysaralyq poıyzdary, «Oral-Semıglavyı Mar» jáne «Oral-Shyńǵyrlaý» aýdanaralyq poıyzdary ótedi. «Oral-Semıglavyı Mar» jáne «Oral-Shyńǵyrlaý» áleýmettik mańyzy bar marshrýttaryn sýbsıdııalaý baǵdarlamasy iske asyrylýda. Ústimizdegi jylǵa 209,0 mln teńge sýbsıdııa bólingen. Qazirgi ýaqytta Oral qalasynyń halyqaralyq áýejaıy arqyly 7 baǵyt boıynsha jolaýshylar reısteri júzege asyrylady, onyń ishinde 5 ishki respýblıkalyq (Astana, Almaty, Túrkistan, Aqtaý, Atyraý) jáne 2 halyqaralyq (Frankfýrt, Antalıa). Maýsym aıynda Shymkent jáne Sharm-el-Sheıhke ushýlar jandandyrylady. Jobanyń jalpy quny 6,6 mlrd teńge bolatyn áýejaı termınalynyń ǵımaratyn rekonstrýkııalaýdan keıin áýejaıdyń jańa termınalynyń ótkizý qabileti 400 jolaýshy/saǵ. quraıdy.
Búgingi tańda «Oral» halyqaralyq áýejaıy» JShS mamandandyrylǵan jobalaý uıymyn tarta otyryp, «A» rýldik joly men perronnyń jasandy jabyndaryn rekonstrýkııalaýǵa jobalaý-smetalyq qujattama ázirledi. Ázirleýdiń jalpy quny 71 mln teńge. JSQ memlekettik saraptamadan ótýde, ony aıaqtaý 2024 jyldyń 2 toqsanynda josparlanyp otyr. Memlekettik saraptamanyń oń qorytyndysyn alǵan jaǵdaıda merdiger uıymdy aıqyndaý boıynsha konkýrs ótkiziletin bolady.
