BI Group basshysy Aıdyn Rahymbaev Reseıden kelgen etnıkalyq qazaqtarǵa Astana men Atyraýdaǵy jataqhanalardan oryn berip, tamaqpen qamtamasyz etýge ýáde berdi. Bul týraly ol óziniń áleýmettik jelilerdegi paraqshalarynda jazdy, dep habarlaıdy “Adyrna” ulttyq portaly.
“Qandas baýyrlar! Sońǵy kúnderi kórshi elde bolǵan jaǵdaılar bizge de aýyr tıip jatyr. Mobılızaııa degen sumdyq nárse ǵoı.. Ásirese Orynbor, Omby, Astrahan óńirlerindegi maıdanǵa júzdegen qazaq baýyrlarymyzdy da alyp ketip jatyr eken. Jasyn da, kárisin de. Obal-aı... Ketkenderdiń kóbi aman kelmeıtini anyq qoı.
Sondyqtan biz jigittermen kelgen ásker jasyndaǵy qazaqtarǵa Astana, Atyraýdaǵy jataqhanalardan oryn men tamaǵyn berip, kómekteseıik dep sheshtik. Elge qaraı jetse boldy ǵoı. Aǵaıyndar, qazir sóz ben daý kóp, biraq kóp daýlaspaı, ózimizdiń qarapaıym qazaqtarymyzdy qutqaryp qalaıyqshy…
Osyndaı jaǵdaılarda bir-birimizge qoldaý kórsetpesek, qashan jáne kim kórsetedi”, - dep jazdy Aıdyn Rahymbaev.
”Adyrna” ulttyq portaly
⠀
