Reseı Qazaqstannyń soltústik jáne soltústik-shyǵys óńirlerin gazdandyrý úshin jańa magıstraldyq gaz qubyryn salatyn boldy, dep habarlaıdy "Adyrna" ulttyq portaly TASS-qa siltep.
Reseı Federaııasynyń úkimeti gaz qubyryn eldiń aýmaqtyq josparlaý shemasyna engizdi. Jańa qubyr Tıýmen oblysynyń eldi mekenderi arqyly ótip, Qazaqstanǵa gaz jetkizedi. Josparǵa sáıkes, qubyrdyń jalpy qýaty jylyna 10 mıllıard tekshe metr gazdy quraıdy, al kompressorlyq stanııalardyń qýaty 50 MVt bolady.
2024 jyldyń jeltoqsan aıynyń sońynda Reseı vıe-premeri Aleksandr Novak Reseıden Qazaqstan arqyly Qytaıǵa magıstraldyq gaz qubyryn salý jobasy iske qosylǵanyn málimdedi. Bul qubyrdyń jyldyq qýattylyǵy 45 mıllıard tekshe metrdi quraıdy. Onyń 10 mıllıard tekshe metri Qazaqstandy gazben qamtýǵa jumsalsa, qalǵan 35 mıllıard tekshe metri Qytaıǵa eksporttalady dep josparlanǵan.
Vladımır Pýtın Qazaqstanǵa memlekettik sapary kezinde bul jobanyń eki el úshin de tıimdi ekenin atap ótti. Ol sondaı-aq Qazaqstan arqyly Ózbekstanǵa gaz jetkizý kólemin arttyrý josparlary bar ekenin jetkizdi.
2022 jyly Reseıdiń Ýkraınaǵa qarsy áskerı áreketterinen keıin Gazprom Eýropa naryǵyndaǵy shyǵyndaryn óteý maqsatynda Azııaǵa, onyń ishinde Qytaıǵa gaz jetkizýdi ulǵaıtýǵa májbúr boldy. Degenmen, Qytaı tarapynan suranystyń artýyna qaramastan, reseılik gazdyń Eýropadaǵy shyǵyndary áli de tolyq ótelmegen.
