Resei Qazaqstannyŋ soltüstık jäne soltüstık-şyǧys öŋırlerın gazdandyru üşın jaŋa magistraldyq gaz qūbyryn salatyn boldy, dep habarlaidy "Adyrna" ūlttyq portaly TASS-qa sıltep.
Resei Federasiiasynyŋ ükımetı gaz qūbyryn eldıŋ aumaqtyq josparlau shemasyna engızdı. Jaŋa qūbyr Tiumen oblysynyŋ eldı mekenderı arqyly ötıp, Qazaqstanǧa gaz jetkızedı. Josparǧa säikes, qūbyrdyŋ jalpy quaty jylyna 10 milliard tekşe metr gazdy qūraidy, al kompressorlyq stansiialardyŋ quaty 50 MVt bolady.
2024 jyldyŋ jeltoqsan aiynyŋ soŋynda Resei vise-premerı Aleksandr Novak Reseiden Qazaqstan arqyly Qytaiǧa magistraldyq gaz qūbyryn salu jobasy ıske qosylǧanyn mälımdedı. Būl qūbyrdyŋ jyldyq quattylyǧy 45 milliard tekşe metrdı qūraidy. Onyŋ 10 milliard tekşe metrı Qazaqstandy gazben qamtuǧa jūmsalsa, qalǧan 35 milliard tekşe metrı Qytaiǧa eksporttalady dep josparlanǧan.
Vladimir Putin Qazaqstanǧa memlekettık sapary kezınde būl jobanyŋ ekı el üşın de tiımdı ekenın atap öttı. Ol sondai-aq Qazaqstan arqyly Özbekstanǧa gaz jetkızu kölemın arttyru josparlary bar ekenın jetkızdı.
2022 jyly Reseidıŋ Ukrainaǧa qarsy äskeri äreketterınen keiın Gazprom Europa naryǧyndaǧy şyǧyndaryn öteu maqsatynda Aziiaǧa, onyŋ ışınde Qytaiǧa gaz jetkızudı ūlǧaituǧa mäjbür boldy. Degenmen, Qytai tarapynan sūranystyŋ artuyna qaramastan, reseilık gazdyŋ Europadaǧy şyǧyndary älı de tolyq ötelmegen.
Ūqsas jaŋalyqtar
