29 qarasha kúni Jezqazǵanda Qazaqstannyń Qurmetti metallýrgi, tehnıka ǵylymdarynyń kandıdaty, Qaraǵandy oblysy jáne Jezqazǵan qalasynyń Qurmetti azamaty, «Qazaqmys» korporaııasy Ardagerler keńesiniń jáne «Qazaqtyń Ketbuqasy» qoǵamdyq birlestiginiń tóraǵasy Tólegen Búkirovtiń 70 jasqa tolýyna oraı jaryq kórgen «QURYSh TULǴA» kitabynyń tusaýkeseri ótti, dep jazady "Adyrna" ulttyq portaly.
Is-shara barysynda jas aqyn Mádı Oljabaı Tólegen Búkirovke arnap shyǵarǵan óz týyndylaryn oqyp, "Aqyn arnaýyn" pash etti. Odan ári qaraı Tólegen Nurmaǵanbetulynyń ómiri men eńbek jolyn, azamattyq ustanymynan habar beretin «Jan serigi – ádildik pen adaldyq» atty beınebaıan kórsetildi. Ánshi Ǵalym Muhanbedın «Balqadısha» ánin oryndady.
Tólegen Búkirovtyń eńbek jolyndaǵy jetistikteri men qoǵamdyq jumystarda qol jetkizgen tabystaryn, adamı bolmys-bitimi men azamattyq beınesin aıshyqtaıtyn san alýan júrekjardy jazbalar «Qurysh tulǵa» kitabyna jınaqtalǵan. Júrekjardy jazbalar 2022 jyly «Káýsar» baspasynan jaryq kórdi. «Káýsar» baspasynyń dırektory Qýat Qurmanseıitov óziniń quttyqtaý sózin arnap, jyly lebizin bildirdi.
№10 orta mekteptiń oqýshylary da Tólegen Búkirovtyń qurmetine ózderiniń quttyqtaýlaryn aıtyp,
"Bizge de ańyz – qurysh tulǵa tuǵyry,
Erlikpenen jazylǵan tek ǵumyry.
Qadirli aǵa, basylǵan joq áli de
70 jasqa tolǵan toıdyń dúbiri.
80 jasqa talmaı qadam basyńyz,
Baqyt syılar bel-belesten asyńyz.
Jeńis penen tabys shyńy sııaqty
Qadirli aǵa, sizdiń 70 jasyńyz", - syndy óleń joldaryn arnady.
Tólegen Nurmaǵanbetuly eńbek jolyn Sovet Armııasy qataryndaǵy boryshyn atqaryp kelisimen 1973 jyly mys zaýytynda peshter men gaz júretin qubyrlardy tazalaýshy bolyp bastap, balqytýshy, aýysym sheberi, bólimshe bastyǵy, eh bastyǵy, dırektordyń orynbasary, odan keıin «Jezqazǵansırekmet» kásipornynyń Bas dırektory,«Qazaqmys» korporaııasynyń bólim bastyǵy, bas metallýrgi, óndiris jónindegi dırektor orynbasary, jobalaý tobynda ınjener-metallýrg bolǵan sizdiń eńbek jolyńyz – metallýrgter úshin tálimi mol ónege. Osy tusta, kelesi sóz kezegin mys balqytý zaýytynyń metallýrgi Dospanov Ábdirashıt alyp, óziniń tolǵanysqa toly oılarymen bólisti.
Azamatyn ardaqtaı bilgen qalyń qaýymnyń, sonyń ishinde keshegi eńbek maıdanynda el aǵasynan tálim alyp shyńdalǵan izetti ini-izbasarlar men shákirtterdiń Tólegen Nurmaǵanbetulyna degen qaltqysyz qurmetiniń aıqyn bir aıǵaǵy sanalatyn «Qurysh tulǵa» kitabynyń tusaý kesý rásimi ótip, kitap lentasyn qııý qurmeti kesh ıesi Búkirov Tólegen Nurmaǵanbetuly men zııaly qaýym ókilderine berildi.
"Adyrna" ulttyq portaly
