Memleket basshysy Nıý-Iorkte birqatar kezdesý ótkizipti. Solardyń ishinde professorym Rıkardo Haýzmanndy kórip qýanyp qaldym. Onyń kúrdelilik teorııasy negizinde "Qazaqstan damyǵan elder qataryna qosylý úshin ne istemek kerek" degen taqyrypta tezıs qorǵaǵam. Óte ózekti taqyryp. Damyǵymyz kelse, jalǵyz ǵana jol bar, ol - kúrdelilik teorııasy baǵyttaıtyn jol.
Órkendegen kez kelgen el damýdyń qupııasyn ashqan professor Haýzmannyń nusqap otyrǵan jolymen júrip ótken.
Eki aýyz sózben jetkizer bolsam: Ekonomıkamyz ornyqty damý úshin biz kúrdeli taýarlardy shyǵarýymyz kerek. Al kúrdeli taýar shyǵarý úshin qazaqtardyń basynda kúrdeli noý-haý (Ybyraısha aıtsaq, óner) bolý kerek. Ol ónerdi qalaı qondyramyz, óz aldyna bólek áńgime.
Osy turǵydan alsaq, Prezıdenttiń tehnıkalyq mamandyqtarǵa den qoıyp otyrǵany sol Haýzmannyń keńesi bolsa kerek dep topshylap otyrmyn.
Amerıkadan oralǵanymda osy teorııa negizinde taldaý ortalyǵyn ashyp, Qazaqstandy qaıtsek damytamyz degen taqyrypty odan ári zerttep, kóp suraqqa jaýap izdesem be degen edim. Bul josparym áli oryndalmaı tur. Memlekettik qyzmetten ketken soń, osy josparǵa qaıta oralam.
Jalpy, Haýzmann óte qarapaıym adam. Kez kelgen ýaqytta esigi ashyq. Úıge kelip, Azattyń tusaýyn kesip berdi. Qazaqstannyń ekonomıkasyn bes saýsaqtaı biledi.
Lı Kýan Iý de óz kitabynda ǵalymdarmen kóp aqyldasqanyn jazady. Professorlardan aqyl suraý úshin Amerıkada birneshe aı júredi. Qasym-Jomart Kemelulynyń ǵalymdarmen kezdesip júrgenin jaqsylyqqa balaımyn.
Shyńǵys Muqan instagram paraqshasynan
