Shyǵys Qazaqstan oblysy Glýbokoe aýdanynda merziminde tapsyrylmaǵan jáne nátıjesiz jobalar kóbeıgen. Buǵan deıin 2 mıllıard teńgege tartylǵan aýyz sý qubyrynyń durys jumys istemeı turǵany jaıly aıtqan edik. Endi aýdan ortalyǵynda 4,5 mıllıard teńge turatyn qazandyq áli iske qosylmaı jatyr, dep habarlaıdy “Adyrna” ulttyq portaly Habar 24 arnasyna silteme jasap.
Jylý ortalyǵynyń qurylysy memlekettik jáne jekemenshik áriptestik negizinde júrgizilýi tıis edi. Bıýdjetten 1,5 mıllıard teńgeden astam qarajat bólindi. Alaıda sheteldik ınvestor ókilderi ózderi kelisken merdiger kompanııamen mámilege kele alar emes. Qazir eki tarap ózara sottasyp jatyr. Al qurylys toqtap tur. Kent turǵyndary bolsa, qysqa otyn jınap, elektr jylytqysh quraldaryn satyp alyp, barynsha qamdanyp jatyr.
«Memlekettik jekemenshik áriptestik boıynsha salynǵandyqtan, memleket tarapynan eshqandaı kedergi bolyp turǵan joq.1 mıllıard 689 mıllıon teńgeniń jumysy oryndaldy. Qazir qurylys montaj sharýalary qaldy. Jekemenshik sheteldik ınvestor ózderi kelisken merdiger kompanııamen óz máselelerin sheshe almaı jatyr. Aralaryndaǵy kredıtorlyq qaryz 227 mıllıon teńge», - deıdi Glýbokoe aýdany TÚKSh bólimi basshysynyń mindetin atqarýshy Eldar Ydyryshev.
”Adyrna” ulttyq portaly
