Shyǵys Qazaqstan oblysy koronavırýstyń taralýyna baılanysty oblysqa kirý jáne shyǵý boıynsha tyıym salyndy. Oblysta karantın 15 sáýirge deıin uzartyldy, dep habarlaıdy "Adyrna" ulttyq portaly. Bul týraly Shyǵys Qazaqstan oblysynyń bas memlekettik sanıtarlyq dárigeri Qanat Týrdıevtiń jańa qaýlysynda aıtyldy.
«Osy qaýlynyń 1-qosymshasynda kórsetilgen adamdardy qospaǵanda olar rastaıtyn qujattardy kórsetken jaǵdaıda, azamattardyń oblystyń aýmaǵyna (aýmaqtaryna) kirýine / shyǵýyna tyıym salynady. Erekshe jaǵdaılarda sanıtarlyq posttardan adamdardyń jekelegen sanattaryna shyǵýǵa jáne kirýge ruqsattar, osy qaýlyda kórsetilgen sanattardy qospaǵanda, qalanyń / aýdannyń jergilikti atqarýshy organynyń sheshimi boıynsha berilýi múmkin», - delingen qujatta.
Shekteý sharalary talap etilmeıdi:
- qoǵamdyq ómirdi qoldaý uıymdarynyń, medıınalyq, sanıtarlyq-epıdemıologııalyq, quqyq qorǵaý,
- arnaıy jedel jáne tótenshe jaǵdaılar qyzmetteriniń qyzmetkerleri;
- medıınalyq sebepter boıynsha shyǵatyn jáne kiretin adamdar;
- karantındik aýrýhanalarda emdelgen jáne baqylaýǵa alynǵan adamdar;
- tranzıttik jolaýshylar men júk tasymaldaýshylar;
- turaqty turǵylyqty jerine oralatyn adamdar jáne aımaq turǵyndary (bir otbasy músheleri) saıajaı úılerine barý úshin (saıajaılar, omartashylar, saıatshylyqtar, qystaqtar) quqyq belgileıtin qujattardy usynǵan kezde;
- aýysymdyq jumysshylardy tasymaldaıtyn mashınalar jáne basqa sanattaǵy jandardan.
ShQO sanıtarlyq beketteri:
Almaty oblysynan Shyǵys Qazaqstan oblysynyń syrtqy shekaralaryna kirýdi / shyǵýdy baqylaýǵa arnalǵan 3 sanıtarlyq beket;
Qaraǵandy jáne Pavlodar oblystarynan Shyǵys Qazaqstan oblysynyń syrtqy shekaralaryna kirýdi / shyǵýdy baqylaýǵa arnalǵan 3 sanıtarlyq beket;
«Aýyl», «Ýba», «Baqty», «Maıqapshaǵaı» baqylaý-ótkizý pýnktterinde Qazaqstannyń memlekettik shekarasy arqyly ótetin joldarda 4 sanıtarlyq beket (Shemonaıha, Borodýlıhın, Úrjar, Zaısan aýdandary - bir-birden).
Qosa ketsek, Shyǵys Qazaqstan oblysy «jasyl» aımaqta. Ótken táýlikte munda koronavırýstyń 34 jańa jaǵdaıy anyqtaldy. Qazaqstanda barlyǵy 1873 jańa naýqas tirkelgen.
"Adyrna" ulttyq portaly
