Soltüstık Qazaqstan oblysy, Ǧabit Müsırepov atyndaǧy audannyŋ bılım bölımıne qarasty Novoişim qazaq orta mektebın qaruly küzet 24 saǧat "oraza ūstap" küzetpek, dep habarlaidy Adyrna ūlttyq portaly satypalu.gov.kz saityna sılteme jasap.
18 şılde künı atalǧan mekeme "Novoişim qazaq OM KMM obektını Qaruly fizikalyq küzet qyzmetı" degen taqyryppen tender jariialaǧan. Tender jeŋımpazy 25 şılde künı anyqtalady. Küzet qyzmetınıŋ qūny 4 821 428 teŋgege baǧalanǧan.
Jalpy, tehnikalyq sipattamadaǧy şym-şytyryq aqparattarǧa qarap, orta mektep küzet qyzmetın jaldauǧa memlekettık tapsyrys berıp otyrǧanyn aŋǧardyq. Dese de, memlekettık tıldegı sipattamanyŋ sapasy syn kötermeidı. Qaraŋyz: "Jūmys rejimı: 1 post. Mektep-täulık boiy oraza ūstau (24 saǧat), kün saiyn saǧat 08-00-de auysu jäne demalys jäne mereke künderın (8 saǧat) eskere otyryp, kün saiyn saǧat 09:00-den 17:00-ge deiın kündızgı auysym. 2 post. İnternat - kündızgı oraza (12 saǧat), 08-00-den 2-00-ge deiın" dep bastalǧan ekı-üş bettık mätınnen tüktı de ūqpadyq.
Soltüstık Qazaqstan oblysyndaǧy qazaq mektebındegı memlekettık tıldıŋ jaǧdaiy osyndai bolsa, basqalardan ne qaiyr? Oblystyq bılım basqarmasy sonda būl qatelıkterdı körmei me? "Qaruly fizikalyq küzet qyzmetın" paidalanatyndai Jaŋa Qazaqstanymyz Auǧanstan ba edı? Qazyna qarjysyna tender ötkızıp, memlekettık tıldı masqaralaityndarǧa laiyq jaza joq pa, sonda?
Būl sūraqtardy oblystyq bılım basqarmasyna joldaimyz. Olardan jetken jauapty da aldaǧy uaqytta jariialaityn bolamyz!
Abai Asyl
Adyrna ūlttyq portaly
