Dramaturg, jazuşy Saia Qasymbektıŋ mähır mäselesıne qatysty jazbasy oqyrman qauymdy dür sılkındırdı, dep jazady "Adyrna" ūlttyq portaly. Jazuşy mähır üşın kölıktıŋ eŋ qymbatyn sūraǧan qyz ben odan bas tartqan jıgıttıŋ basynan ötken jaittardy söz etıp, öz zamanyndaǧy tanym-tüsınıktıŋ müldem basqaşa bolǧanyn jetkızedı. Jas jūptyŋ arasynda syna qaqqan mähır mäselesıne qatysty:
- Oqiǧany ızdemeimın, oqiǧa menı ızdep tabady. Bügın toiǧa daiyndalyp otyrǧam. Qyz jaǧynan baruym kerektın. Qyzdyŋ şeşesı qyryq jylǧy syilasym edı. Qyzdarym keledı dep bälışke qamyr aşytyp jatsam, zvondaidy. Eŋırep tūr. Zärem qalmady. Söitsem, keşe qyz ben küieu meşıtke nekege tūruǧa barady. Älıgı mahirde qyz qarap otyrmai eŋ qymbat (markasyn aityp edı, ūmytyp qaldym) maşinany sūrapty. Ötkende bolaşaq küieubalasymen bırge toi qamymen jürgende kezdeisoq ūşyrasyp qap, bırbetkeileu jıgıt ekenın baiqap qalǧam. Bolaşaq jary eŋ qymbat maşina sūraǧanyna şart etken küieu bala ünsız ornynan tūryp, “toi bolmaidy!” deptı de, eşkımge qaramai ketıp qalypty?! Bır dosy maşinaǧa mınıp ülgerıptı. Qasyndaǧy dosy arqyly qyzdyŋ “oinap aittym” degenın estıp, “qūdaidyŋ üiınde oinaityn qatyn kerek emes!” dep, şort kesıptı… Nekede otyryp, mynadai küige ūşyrau degen jaqsy emes ärine. Bızdıŋ kezımızde eş maher-sahersız-aq neke qiyp, päter jaǧalap jürıp-aq bala tuyp, üilı bop ek.. Arabtyŋ saltyn sonşa äspettegennen ne şyqty endı? - deidı avtor.Jelıdegı jūrttyŋ nazaryn audarǧan şetın oqiǧaǧa qatysty:
"Kezınde ne äperse de özı bıledı degenımızde neke qiiuşy molda küieuıme "kemınde pälen gramdy altyn äperesıŋ. Moinyŋa qaryz qylma"-dep eskertse de älı künge eşteŋe äpergen joq. Ol turaly ūmytyp ta ketkenbız 25 jyl boldy. Osy küngı jastardyŋ osyndai talaptaryn estıgende ǧana esımızge tüsıp, bır külıp alamyz", "Azamat eken, der kezınde şeşım qabyldapty!", "Oibu... Bolmaǧan eken..." degen syndy pıkırler jazdy oqyrmandar.Esterıŋızge sala keteiık, mähır – nekelesu barysynda nemese keiın öteu şartymen kelısılgen qalyŋdyqqa berıletın dünie-mülık nemese aqşa. Mūsylmanşylyqta mähırge qajettı zattardy alu er-azamattyŋ mındetı sanalady.
Ūqsas jaŋalyqtar
