Almaty oblysy, Eŋbekşıqazaq audanynda bolǧan keleŋsız oqiǧadan keiın QR Bala qūqyqtary jönındegı uäkıl men QMDB arnaiy tüsınık berdı. Sonymen qatar, Eŋbekşıqazaq audanynyŋ äkımşılık qyzmetkerlerı, Şelek auylynyŋ tūrǧyndary, dın qyzmetkerlerı, meşıt jamaǧaty jäne balanyŋ ata-anasynyŋ qatysuymen arnaiy kezdesu ötkenı habarlandy, dep jazady "Adyrna" ūlttyq portaly.
Jiynda "Hidaiat" meşıtınıŋ imamy öz qatelıgın moiyndap, balanyŋ ata-anasynan, sondai-aq köpşılıkten keşırım sūraǧan. Balanyŋ zaŋdy ökılderı imamnyŋ keşırımın qabyl alyp, ekı tarap özara bıtımge kelgen.
"Qazaqstan mūsylmandary dıni basqarmasy būl oqiǧadan tiıstı qorytyndy şyǧardy jäne öreskel äreketke jol bergen dın qyzmetkerıne şara qoldandy. Bas müftidıŋ būiryǧymen "Hidaiat" meşıtınıŋ imamy jūmystan şyǧaryldy. Aldaǧy uaqytta osyndai keleŋsız oqiǧalar oryn almas üşın, özge imamdarmen tiıstı tüsındıru jūmystary jürgızılıp jatyr", - dedı QMDB-nyŋ Almaty oblysy boiynşa ökıldıgı.Al QR Bala qūqyqtary jönındegı uäkıl Dinara Zakieva mūndai jaǧdaidy eşqandai da keşırımmen aqtap aluǧa bolmaitynyn aitty.
- Almaty oblysynda imamnyŋ namaz kezınde kışkentai balany qolymen qaǧyp jıbergenıne qatysty Būl keşıruge bolmaityn qatygez äreket 24 säuır künı oryn alǧan. Video tek qazır ǧana paida bolyp, būl adamǧa qatysty qylmystyq ıs tırkeldı. Osy jaǧdaiǧa qatysty Bas müfti Nauryzbai qajymen söilestım, qatygezdık tanytqan adam bügın jūmystan bosatyldy. Onyŋ imam ekenıne keler bolsaq, negızı İslamda äielderge, balalarǧa qūrmetpen qarau jäne qamqor boluǧa qatysty köptegen hadis men aiattar bar. Mysaly, Mūhammed Paiǧambar (s.ǧ.s) «onyŋ nemeresı namaz kezınde onyŋ basyna otyrǧan kezde, säjdeden basyn kötermegen». Qatygezdık pen zorlyq-zombylyqqa tözbeuşılık mädenietın bız osylai ǧana qalyptastyra alamyz, - dedı zaŋdy ökıl.
Eske sala keteiık, äleumettık jelıde imamnyŋ namaz kezınde kışkentai balany eptı qolymen qaǧyp jıberıp, sūlatyp tüsırgen" video tarady. Video avtorynyŋ aituynşa, oqiǧa Almaty oblysy Eŋbekşıqazaq audanyndaǧy Şelek auylynda bolǧan.
"Adyrna" ūlttyq portaly
Ūqsas jaŋalyqtar
