Óner qaıratkerleri, ǵalymdar men aqyn-jazýshylardyń bir toby burynǵy Mádenıet jáne Sport mınıstri Arystanbek Muhamedıulyna arasha surady. Hat bas prokýror Berik Asylov pen Joǵarǵy sot tóraǵasy Jaqyp Asanovtyń atyna joldady dep, habarlaıdy "Adyrna" ulttyq portaly.
Qol qoıǵandar qatarynda Qazaqstannyń halyq artısi Asanáli Áshimov, aqyn Muhtar Shahanov, UǴA akademıgi Tóregeldi Sharmanov, KSRO halyq artısi Bıbigúl Tólegenova, ánshi Mádına Sádýaqasova jáne taǵy da ózge tanymal azamattar bar.
"Ultym, jurtym, ónerim dep ishken asyn jerge qoıǵan azamattan eldiń qarjysyna qol salatyn arsyz qylyq shyqpaıtynyna qart júregimiz senimdi", - delingen hatta.
Burynǵy Mádenıet jáne Sport mınıstri, QR Ulttyq mýzeıiniń eks-dırektory Arystanbek Muhamedıuly 28 mamyr kúni Ulttyq mýzeıdiń qarajatyna qol saldy degen aıyppen qamaýǵa alynǵan edi. El zııalylarynyń arasha surap joldaǵan hatyn burynǵy mınıstr óziniń instagram paraqshasynda bólisti.
"Adyrna" ulttyq portaly
