Premer-ministr örtten qorǧau jūmystaryn synady, dep habarlaidy "Adyrna" ūlttyq portaly QazAqparatqa sıltep.
Elımızde ötken jyly 116 myŋ gektardan astam orman qory örtenıp kettı. QR Premer-Ministrı Oljas Bektenov biyl da aptap ystyq pen qūrǧaqşylyq boljanyp otyrǧanyn aitty.
Premerdıŋ sözınşe tılsız jaudan kelgen materialdyq şyǧyn 160 mlrd teŋgeden asyp tüsken.«Jyl saiyn elımızde myŋǧa juyq tabiǧi ört bolady. Tılsız jau adam ömırıne, sol siiaqty qorşaǧan ortaǧa da orasan qauıp töndıredı. Ötken jyly 116 myŋ gektardan astam orman qory örtenıp kettı. Elımızdegı orman alqaptary onsyz da öte az, olardyŋ aumaǧy ört saldarynan jyl saiyn sirep barady», - dedı O.Bektenov Ükımet otyrysynda.
Bırneşe oblystarda qyzyl jalynnyŋ paida bolu sebebı quraǧan şöp pen qoqystar. Oljas Bektenov Aqtöbe, Atyrau, Qaraǧandy, Jambyl jäne Qyzylorda oblystarynda qamys pen quraǧan şöp janyp, örtke ūlasqanyn da basa aitty.«Qazgidromettıŋ boljamyna säikes, biyl jaz ailary ystyq ärı qūrǧaqşylyq bolady dep kütılude. Äsırese, elımızdıŋ batysy men şyǧysynda jäne oŋtüstıgınde aptap ystyq ūzaq saqtaluy mümkın. Demek, ört qaupı küşeie tüsedı. Biyldyŋ özınde 30-ǧa juyq orman örtı tırkeldı. Mäselen, ötken jyly örtten qatty zardap şekken «Semei ormany» aumaǧy biyl taǧy da otqa orandy. Abai oblysynyŋ äkımdıgı baqylaudy küşeituı kerek», - dedı Ükımet basşysy.
«Qazır müddelı memlekettık organdar Tabiǧi örtterdıŋ aldyn alu jäne olardy joiu jönındegı ıs-şaralar josparyn ıske asyryp jatyr. Alaida keibır salalarda būl jūmystar tiıstı deŋgeide jürgızılmei otyr. Aqmola, Almaty, Şyǧys Qazaqstan, Jambyl, Abai jäne Ūlytau oblystarynda mineraldanǧan jolaqtardy jasau endı ǧana bastalǧan, qajettı kölemnıŋ üşten bırıne äreŋ jetedı. Aqtöbe, Pavlodar, Qaraǧandy, Soltüstık Qazaqstan oblystarynyŋ auyldaryndaǧy aumaqtar älı künge deiın quraǧan şöp pen qoqystardan tazartylmaǧan», - deidı Premer-Ministr.
Ūqsas jaŋalyqtar
