AQSh prezıdenti Djo Baıden kómektiń qysqarýy saldarynan Ýkraına qaqtyǵystyń qıyn kezeńinde tur dep málimdedi. Bul týraly Bloomberg agenttigi jazdy, dep habarlaıdy “Adyrna” ulttyq portaly.
Aqparatqa sáıkes, Baıden Nıý-Iorktegi qarajat jınaý is-sharasynda Ýkraınanyń odaqtastary Kıevti tastap bara jatqanyna alańdaýshylyq bildirip, Ýkraına qaqtyǵystyń qıyn kezeńinde ekenin basa aıtty.
"Biz ne istep jatyrmyz? Sheginip jatyrmyz ba?" – dep ashýlandy AQSh basshysy.
Osyǵan oraı, AQSh Senaty dúısenbi kúni shekara kúzetin qamtamasyz etý, Ýkraına men Izraılge kómek kórsetý úshin aqsha bólýdi biriktiretin zań jobasyn usyndy.
Sonymen qatr, jalpy zań jobasy 118,28 mıllıard dollar bólýdi usynady, onyń ishinde 60,06 mıllıard dollar Kıevti qoldaýǵa arnalǵan. Bul rette shekara qaýipsizdigin qamtamasyz etýge odan úsh ese az – 20,2 mıllıard dollar jumsaý josparlanýda.
Al AQSh prezıdenti zań jobasyn qoldaıtynyn aıtyp, Kongressi ony múmkindiginshe tezirek qabyldaýǵa shaqyrdy.
Degenmen, usynylǵan zań jobasy respýblıkashyl saıasatkerlerdiń qatań synyna ushyrady. AQSh-tyń burynǵy prezıdenti Donald Tramp bul zań jobasyna tek aqymaq nemese radıkaldy solshyl demokrat daýys beredi dep pikir bildirdi.
AQSh Ókilder palatasynyń spıkeri Maık Djonson Kıevke, Izraılge kómek pen AQSh-tyń óz shekarasyn qorǵaýdy biriktiretin zań jobasy "kútkennen de nashar" bolǵan jáne bastama sátsizdikke ushyraıtynyn aıtty.
