Resei Ukrainadaǧy soǧysty toqtatu turaly, sonyŋ ışınde AQŞ-pen kelıssözder jürgızuge daiyn. Būl turaly 24 qaŋtarda VGTRK memlekettık telearnasyna bergen sūhbatynda Resei prezidentı Vladimir Putin AQŞ prezidentı Donald Tramptyŋ Resei Federasiiasynyŋ Ukrainaǧa qarsy jürgızıp jatqan soǧysyn mümkındıgınşe tezırek toqtatu nietı turaly mälımdemesıne tüsınıkteme bere otyryp aitty, dep habarlaidy “Adyrna” ūlttyq portaly.
Putinnıŋ aituynşa, Kiev kelıssözderge kedergı keltırıp otyr. Ol Ukraina prezidentı Vladimir Zelenskiidıŋ, Resei prezidentımen kelıssözder jürgızuge tyiym salatyn jarlyǧyn mysalǧa keltırdı. Putin būrynǧy AQŞ äkımşılıgın kelıssözderdı toqtatuǧa kınälady. Al Resei eşqaşan AQŞ-pen bailanysudan bas tartpaǧanyn aitady. Onyŋ pıkırınşe, kelıssözderdı qaita bastau üşın eŋ jaqsy format — Tramppen jeke kezdesu. Bıraq būl, eŋ aldymen, qazırgı amerikandyq äkımşılıktıŋ şeşımderıne bailanysty bolady. Putin Tramppen qarym-qatynasty "ıskerlık, bıraq senımdı" dep sipattady.
Putin sondai-aq, Tramptyŋ prezidenttık qyzmetke kelgen kezde Reseige qarsy eŋ ülken sanksiialardy engızgenın eske tüsırdı, bıraq būl şeşım Reseidıŋ ǧana emes, AQŞ-tyŋ da müddelerıne sai kelmegen boluy mümkın dep sanaidy. Onyŋ aituynşa, Resei men AQŞ arasyndaǧy qazırgı äkımşılıktıŋ "negızgı mäseleler boiynşa şeşımder ızdeu üşın köp ūqsastyqtary boluy mümkın", atap aitqanda strategiialyq tūraqtylyq pen ekonomika salasynda, mūnai baǧalary mäselesı siiaqty.
Donald Tramp, AQŞ prezidentı qyzmetıne kırısken soŋ, aşyq türde Putinge Ukrainaǧa qarsy soǧysty toqtatudy talap ettı. Eger ol bas tartsa, AQŞ Reseidıŋ barlyq tauarlaryna joǧary salyqtar, bajdar men sanksiialar saluǧa, sondai-aq būl şaralardy oǧan qoldau körsetken basqa elderge taratuǧa qorqytty.
Ukraina prezidentı Vladimir Zelenskii ekı kün būryn Ukraina Mäskeumen soǧysty aiaqtau jönınde tıkelei kelıssözder jürgızuge daiyn ekenın, bıraq ol tek "küştı pozisiiadan" jürgızıletın bolsa ǧana mümkın bolatynyn aitty. Mūndai kepıldık AQŞ prezidentınen berıluı mümkın, būl kepıldık NATO-ǧa müşe bolu nemese batystyq beibıtşılık saqşylarynyŋ qatysuy boluy mümkın. Zelenskii sonymen qatar, soǧysty aiaqtaǧannan keiın Reseidıŋ qaita qarulanuy men jaŋa äskeri agressiiaǧa jol bermeu keregın atap öttı. Ol eŋ qauıptı ssenarii retınde Putinnıŋ qaitadan soǧys bastauyna mümkındık beretın kelısımşarttyŋ bolatynyn eskerttı.
Eske salsaq, AQŞ prezidentı Donald Tramp seisenbı künı Resei Ukrainaǧa qarsy soǧysty toqtatu turaly kelıssözder bastamasa, jaŋa sanksiialar engızu "yqtimal" ekenın mälımdegen edı.
Ol AQŞ-tyŋ Ukrainaǧa qaru-jaraq jetkızudı jalǧastyratyny turaly naqty jauap bermedı.
"Bız Zelenskiimen söilestık. Resei prezidentı Vladimir Putinmen de jaqyn arada söilesemız. Sodan keiın jaǧdaidyŋ qalai örbitının köremız. Bız mūny mūqiiat qadaǧalaimyz", – dedı Tramp.
