Täjıkstan men Qyrǧyzstan şekarasynda ekı tūrǧyn snariad jarylysynan zardap şektı, dep habarlaidy "Adyrna" ūlttyq portaly 24.kg saityna sılteme jasap.
Täjıkstanmen şekaralas ornalasqan Batken oblysynyŋ Arqa-2 auylynda äiel öz üiınıŋ aumaǧynda snariad tauyp, onyŋ jaryluy saldarynan jaraqat aldy. Oqiǧa 5 jeltoqsan künı oryn alǧan. Būl turaly Qyrǧyzstannyŋ ūlttyq qauıpsızdık memlekettık komitetınıŋ şekara qyzmetı aqparattyq ortalyǧy mälımdegen.
Aqparatqa säikes, üi iesı eskı qūrylys materialdary men temırler jatqan şatyr astyn tazalap jürgen kezde snariad tauyp, jarylys oryn alǧan. Äiel men 12 jastaǧy qyzy jaraqat alyp, auruhanaǧa jetkızılgen.
Keiınırek hirurgtar tiıstı operasiialar jasap, nauqastardyŋ jaǧdaiy tūraqtalǧan.
Şekara qyzmetı ökılderınıŋ aituynşa, snariad tabylǧan üi 2022 jyly täjık tarapynan bolǧan oq atu saldarynan örtengen. Sol uaqytta ekı el arasynda şekaralyq qaqtyǧys oryn alǧan bolatyn.
Qazırgı uaqytta oqiǧa orny şekara qyzmetınıŋ injenerlerımen qorşalyp, polisiia tergeu jūmystaryn jürgızude.
Sondai-aq oqiǧa bolǧan künı qyrǧyz qūqyq qorǧau organdary täjık ärıptesterıne bolǧan jaǧdai turaly habarlaǧan. Arnaiy qyzmet tūrǧyndardy şekara maŋyndaǧy kümändı zattardy ūstamauǧa şaqyryp, olardy baiqaǧan jaǧdaida şekaraşylarǧa nemese polisiiaǧa dereu habarlaudy ötınude.
Täjık-qyrǧyz şekarasynyŋ ūzyndyǧy 976 şaqyrymdy qūraidy. Onyŋ tek 664 şaqyrymy jaqynda ǧana delimitasiialanyp, demarkasiiadan ötken. Dauly aimaqtarda joldar, su jäne jerge qoljetımdılık mäselelerınen ekı eldıŋ şekaralas tūrǧyndary arasynda jiı qaqtyǧystar tuyndap otyrady. Eŋ ırı qaqtyǧys 2022 jyldyŋ 15-16 qyrküiegınde bolǧan. Būl oqiǧadan köptegen adam zardap şektı. Şamamen 100 adam qaza tauyp, 150 myŋnan astam tūrǧyn üilerın tastap ketuge mäjbür boldy.
Ūqsas jaŋalyqtar
