Jambyl oblysy Moıynqum aýdany Ulanbek aýylynyń turǵyny balasynyń ólimine kinálininiń jazalanýyn ótinip, Toqaevtan kómek surap, vıdeoúndeý joldady, dep habarlaıdy “Adyrna” ulttyq portaly.
Kómek suraǵan ananyń aıtýynsha, balasyn óltirgen adam jazadan qutylyp otyr.
“Qurmetti Qasym-Jomart Toqaev! Osy ótinishimdi ádildik ornasyn degen úmitpen joldap otyrmyn. 2020 jyly 28 qarashaǵa qaraǵan túni joǵary sottyń úkimimen bosanyp shyqqan Prıdasov Evgenıı Vladımırovıch meniń balam Tamabaev Ǵanıdy birneshe jerden pyshaqtap óltirdi. Sotqa deıingi tergeý kezinde Prıdasov Evgenıı jazalanbasyn degen úkimmen advokat Kavalenkonyń amaly taýsylmady… Kináliniń anasy meniń balamdy ishkish, nashaqor dep jala japty. Biraq balam Ǵanı men Evgenıı ekeýi jaqsy aralasty, ekeýiniń arasynda arazdyq bolǵan joq. Artynda 4 balasy qaldy, bizdiń qorǵaýshymyz edi… Qurmetti prezıdent! Ákesi ekeýmiz qamqor ulymyzdan aıyryldyq! Biz joǵary sottyń otyrysyna qatysqan joqpyz. Sebebi, aýylymyzda ınternet joq. Bizge osy ýaqytqa deıin joǵary sottan qaýly kelgen de joq. 28 sáýirde jibergen hatyn 20 mamyrda aldyq. Advokatymyz sońynda kirip úlgerdi. Sonda da sot sheshimi Evgenııdi bosatýǵa jibergen” , - dep vıdeoúndeý joldady ana.
Sondaı-aq, qaıǵy jutqan ana sot orys tilinde bolǵanyn jáne sol tilde oıyn jetkize almaǵandyqtan ádiletsizdik kórip otyrǵanyn aıtty.
“Adyrna” ulttyq portaly
