«Samūryq-Qazyna» AQ kompaniialar tobynyŋ qoldauy aiasynda «Jarqyn bolaşaq» jobasy arqyly Jaŋaözen qalasynyŋ daryndy balalary elımızdıŋ arnaiy orta bılım alu mekemelerınde oqu tegın oqu mümkındıgıne ie boldy.
Qyrküiek aiynyŋ basynan berı 149 oquşy Qazaqstannyŋ 11 qalasyndaǧy 44 kolledjde bılım aludy bastady. Oqytudyŋ negızgı baǧyttarynyŋ arasynda politehnikalyq mamandyqtar (19%), sondai-aq kölık pen kommunikasiiaǧa (18%), ekonomika men tehnologiiaǧa (18%) bailanysty mamandyqtar basym bolyp otyr. Keibır balalar gumanitarlyq mamandyqtardy (16%) jäne IT salany (14%) taŋdady.
Taǧy 28 öskeleŋ ūrpaq ökılı basqa baǧyttardy qūp kördı. Mäselen 12 bala respublikalyq öner kolledjderıne, alty oquşy olimpiadalyq rezervtegı respublikalyq sport mektep-internattaryna tüsse, on jas bolaşaq maman respublikalyq fizika-matematika mektebıne ırıkteldı.
«Bilim Foundation» qoǧamdyq qory ūsynǧan jobany el Ükımetı maqūldaǧanyn atap ötken jön. «Jarqyn bolaşaq» jobasyn ıske asyru mümkındıgı «Samruk-Kazyna Trust» äleumettık jobalardy damytu qory men «QazMūnaiGaz» ŪK» AQ qoldaǧan bastama arqasynda paida boldy. Joba biudjetı 292,5 million teŋgenı qūrady.
Qaiyrymdylyq kömek oqu oryndarynyŋ jataqhanalarynda tūru men oqu aqysynyŋ şyǧyndaryn öteidı. Balalarǧa şäkırtaqy tölenedı, sondai-aq mausymdyq kiım satyp aluǧa qarjylai kömek körsetıledı. Beiımdelu kezeŋınde jobaǧa qatysuşylarmen üilestıruşı-keŋesşıler jūmys ısteidı.
Atalǧan bastamanyŋ maqsaty köpbalaly, tolyq emes, mügedektıgı bar jandar asyrap otyrǧan otbasylar, sondai-aq patronajdyq otbasylardan şyqqan balalar siiaqty halyqtyŋ äleumettık osal toptaryn qoldau bolyp tabylady.
Eske sala ketsek, «Samūryq-Qazyna» AQ qoldauymen, Jaŋaözen qalasynyŋ onynşy synyptaǧy 50 oquşysy jaŋa oqu jylyn «IQanat High School of Burabay» mektep-pansionatynda bastady.
«Samruk-Kazyna Trust» äleumettık jobalardy damytu qory «Samūryq-Qazyna» AQ kompaniialar tobyndaǧy bıryŋǧai qaiyrymdylyq operatory bolyp sanalady jäne öz qyzmetın kelesı basym baǧyttarǧa säikes jüzege asyrady:
- adamdarǧa äleumettık jäne medisinalyq sektorlarda kömek körsetu;
- media, mädeni qoǧamdastyqty jäne adami äleuettı damytu, qoǧamnyŋ ornyqty damuynainvestisiialar qūiu;
- top kompaniialary jūmys ısteitın aimaqtarda äleumettık investisiialardyŋ öŋırlıkbaǧdarlamalaryn ıske asyru.
