Almaty oblysynda 3 jasar egizder men 9 jasar qyzdy zorlaǵan er adam bas bostandyǵynan aıyryldy, dep habarlaıdy "Adyrna" ulttyq portaly bala quqyqtary jónindegi ýákil Dınara Zakıevanyń jazbasyna siltep.
“Búgin Almaty oblysynda 3 jasar egizder men 9 jasar qyzdy zorlaý faktisine qatysty is boıynsha sońǵy sot otyrysy ótti. Balalarǵa qarsy jasalǵan jaǵa ustatarlyq qylmystar týraly men qarasha aıynda Almaty oblysyna barǵan soń jazǵan bolatynmyn . Er adam ómir boıyna, onyń áıeli (3 jasar qyzdyń ájesi jáne 9 jasar qyzdyń anasy) 25 jylǵa bas bostandyǵynan aıyryldy”, – dep jazdy Zakıeva Instagram jelisinde.
Sonymen qatar, onyń aıtýynsha, laýazymdy tulǵalardyń is-áreketine quqyqtyq baǵa berýge qatysty oblys prokýratýrasy qylmystyq jaýapkershilikten jaltarý, qyzmettegi nemquraılylyq, áreketsizdik belgileri boıynsha qylmystyq is qozǵady.
Eske salsaq, buǵan deıin Almaty oblysynda 40 jastaǵy er adam úsh jasar egiz qyzdardy zorlady dep kúdikke ilingeni týraly jazǵan edik. Keıinnen egizderdiń ápkesiniń de zorlyq kórgeni anyqtalǵan edi.
