Jýrnalıst Mıhaıl Kozachkov óz telegram arnasynda Qostanaı oblysynda basylmaı jatqan órttiń qaıdan shyǵýy týraly óz málimdemesin jasady. Bul týraly kznews.kz-ke silteme jasap "Adyrna" ulttyq portaly habarlaıdy.
Onyń aıtýynsha, órt ádeıi jasalynǵan qastandyq bolýy múmkin deıdi. Prezıdent Qasym-Jomart Toqaevtyń Ahmet Baıtursynovtyń 150 jyldyq mereıtoıyna kelgenin qalamaǵan jandardyń saıası oıyny bolýy da múmkin degen pikir qaldyrdy:
«Tótenshe jaǵdaılar mınıstrliginiń málimetinshe, Qostanaı oblysyndaǵy jalyn qyryq myń gektardan astam jerdi alyp jatyr, zardap shekken aımaqta bes eldi meken bar, eki myńǵa jýyq jergilikti turǵyn evakýaııalandy. Órt áli sóndirilgen joq. Al keshe keshke Aqmola oblysynda da dabyl soǵyldy. Zerendi aýdanynda da órt shyqty, biraq ol jerde bárin tez sóndirip úlgerdi. Orman aman qaldy.
Árıne, elordada taldaý jumysy bastaldy, ártúrli nusqalar qarastyrylýda. Organdar munyń sebebi saıasatpen baılanysty bolýy múmkin dep sanaıdy.30 tamyzda Memleket basshysynyń baspasóz hatshysy Prezıdenttiń Qostanaı oblysyna, onyń ishinde Ahmet Baıtursynovtyń mereıtoıyn atap ótýge qatysýdy josparlap otyrǵanyn resmı túrde málimdedi. Barlyǵyna aldyn-ala habarlandy. 1 qyrkúıekte prezıdent Qazaqstan halqyna Joldaýymen sóz sóılep, onda Memleket basshysynyń merziminen buryn saılanýy týraly málimdedi, ıaǵnı is júzinde saılaý naýqanyn bastaýdy tapsyrdy. Ol qaı jerde bastalady? Árıne, Qostanaı oblysynda, Ahmet Baıtursynovtyń týǵan jerinde. Onda daıyndyq belsendi júrgizilip, kıiz úıler tigilip, tikushaq alańdary asfalttaldy. Jergilikti aqsaqaldar da daıyndalyp jatqan shyǵar. Olar Toqaevtan saılaýǵa óz kandıdatýrasyn usynýdy ótiner edi. Biraq, birneshe kún buryn Qostanaı oblysynda órt shyqty, orman alqaptaryn jalyn sharpyp ketti. ShQO-da qoryq aımaqtarynda osyndaı jaǵdaı oryn alyp turatyn, biraq bul joly bári basqasha. Bes kenttegi júzdegen úıdiń bir-aq sátte órtenip ketetindeı jaǵdaı buryn-sońdy bolmaǵan.
Baıtursynovtyń mereıtoıy toqtatyldy. Toqaev arnaıy orman operaııasynyń qalaı uıymdastyrylǵanyn zertteýdi josparlap otyr. Sondyqtan, eger dıversanttardyń qıturqy áreketterinen órt shyqsa, olar qajetti nátıjege qol jetkizip, Prezıdenttiń josparlaryna aralasa aldy degen sóz. 5 qańtardan keıin onyń jaýlary kóbeıdi. Aldymen úsh, keıin segiz órt oshaǵynyń bar ekeni habarlandy. Aımaqta jylý bar, jaz ystyq boldy. Alaıda shilde men tamyz aılarynda da mundaı jaǵdaı bolǵan joq. Sonda Prezıdent óz málimdemesin jasaǵannan keıin qostanaılyq káýapshylar dereý demalys ornyna baryp, ot jaǵyp, ony sóndirýdi umytyp ketken be? Qyzyq…
Bul jaı ǵana nusqa ekeni túsinikti. Biraq elde tehnogendik jáne basqa da apattar jıi kezdesetini tańqalarlyq. Qostanaı oblysynda órt shyǵyp, Aqtóbe qalasynda qoqys úıindisi janyp jatyr, Atyraý oblysynda atmosferaǵa qandaı da bir shyǵaryndylar shyǵarylýda, Mańǵystaý oblysynda ıtbalyqtar men balyqtar qyrylyp jatyr, BQO-da apatty joldar jóndelmeıdi, tipti «Egemen Qazaqstan» memlekettik gazeti de olar týraly synı maqala shyǵardy.
Ákimder bárine birdeı jaýapty emes ekeni túsinikti, biraq olar aımaqty baqylaýda ustaý kerek. Bıliktegi top-menedjerlerdiń tájirıbesiniń joqtyǵy qynjyltady.
Premer-mınıstr Álıhan Smaıylov búkil ómirin elorda dálizderinde ótkizdi, AP basshysy Murat Nurtileý negizinen shetelde jumys istedi, tipti UQK tóraǵasy Ermek Saǵymbaev óziniń kóp jylǵy mansabyn prezıdentti qorǵaýǵa arnady, tipti onyń «Elbasynyń 3-shi dárejeli qaýipsizdigin qamtamasyz etkeni úshin» medali bar.
Bulardyń eshqaısysy Qostanaıda bolǵan joq. Olar tek jaqsy jańalyqtarǵa, ákim saılaý, mektep ashý sharalaryna qatysady. Qazirdiń ózinde Qostanaıda 43 myń gektar jer janyp jatyr, biraq aımaqta tek Tótenshe jaǵdaı mınıstri ǵana bar. Qalǵandary tek baıandama tyńdaýmen shekteledi. Sondyqtan mundaı jaǵdaıda aram oılylardyń qastandyq jasaýy ábden múmkin» — deıdi jýrnalıst.
"Adyrna" ulttyq portaly
