Belgili ustaz, tarıhshy Ómir Shynybekuly Oqý-aǵartý mınıstri Ashat Aımaǵambetovke "Sizder Keńes Odaǵyn qaıta tiriltpeksizder me?" dep suraq qoıyp, ashyq hat jazdy. Bul týraly "Adyrna" ulttyq portaly habarlaıdy.
Ustazdyń aıtýynsha, mektepterde ótkizileıin dep jatqan "Jeńis dıktanty" degen sharanyń artynda Reseı tur...
"Ashat Qanatuly, siz elimizdiń bilim salasyna biraz eńbek sińirgenińizdi tipti dushpandaryńyz da joqqa shyǵara almaıdy. Elimizdiń mınıstrleri arasynan siz tuńǵysh ret ashyq jumys isteýdi bastadyńyz. Sizdiń tusyńyzda "Pedagog mártebesi týraly" zań qabyldandy. Belsendi pedagogtardyń usynystary bul zańǵa kirmeı qalsa da, óz basym muny progressıvti qadam dep esepteımin! Men ózińizben kezdeskende de, Memlekettik Hatshy Erlan Karınmen kezdeskende de mınıstrlikten shyǵyp jatqan qujattardyń kópshiligi shıki ekenin aıtqan bolatynmyn. Iá, bir orynda jyldar boıy otyrǵan keıbir meńgerýshiler men dırektorlardyń sybaılastyq tamyr jaıyp jibergeni shyndyq. Ondaılardy jyly oryndarynan qozǵaý kerek. Biraq ol úshin aldymen problemany jan-jaqty zerttep, táýekelderdi anyqtap alyp qana rotaııalaý týraly buıryq shyǵarý kerek edi... Endi birneshe jyl bilim basqarmalary, Bilim salasyndaǵy sapany qamtamasyz etý Departamentteri, mınıstrlik jáne quqyq qorǵaý organdary bilim oshaqtarynan túsken aryz-shaǵymdardan kóz asha almaı qalatyn bolady...", - deıdi Ómir Shynybekuly.
Ómir Shynybekulynyń aıtýynsha, sońǵy kezderi Aımaǵambetovtyń áreketteri kópshilik arasynda túsiniksizdik pen túsinbeýshilikke ákeldi...
"D/sh jáne orys tili pánderiniń saǵattary qysqaratyny týraly pedagogtar tek tamyz aıynda ǵana bilgeni tipti túsiniksiz.. Al endi, Abaı oblysy mektepterinde "Jeńis dıktanty" degen shara ótpekshi eken dep jeli shýlap jatyr? Ras pa? Iá, patrıottyq tárbıe kerek.. Biraq dál osy "Jeńis" taqyryby 9-mamyrdyń qarsańy bolsa bir sári, qyrkúıek aıynda qozǵaıtyn másele emes qoı.. Qysqasy sońǵy kezderdegi áreketterińiz múldem túsiniksiz bop bara jatyr... 17 tamyz kúni "Senimen bolashaq" qoǵamdyq birlestiginiń jıynyna qatysyp sóz sóılegenińiz ras pa? Meniń poshtama kep túsken osy jıynǵa shaqyrtýdyń skrıninde Rahymbek Jolaevtyń degenniń qoly tur... Túrkistan Oblysynyń Bilim Basqarmasy bastyǵy qyzmetinde 3 jylǵa jýyq otyrǵan R.Jolaev nesimen este qaldy? Jolaevtyń tusynda Túrkistan oblysynyń bilim salasyndaǵy bylyq shekten shyqty. 2020 jyly onlaın-oqý kezinde kompıýter alýǵa bólingen mıllıardtaǵan qarjynyń esebin kim beredi? Ótken jyly Saıram aýdany bilim bóliminiń bastyǵy paramen ustaldy. Saryaǵash aýdany bilim bóliminiń bastyǵy qatelespesem "adam óltirýge tapsyrys berdi" degen kúdikpen qamaýda otyr. Bıyl kóktemde Tólebı aýdany bilim bóliminiń bastyǵy ustaldy. Bir aıdaı buryn Shardara aýdany bilim bóliminiń bastyǵy qamaýǵa alyndy degen qaýeset tarady... Osylardyń bári R.Jolaevtyń qol astynda birneshe jyl qyzmet atqarǵan azamattar...", - deıdi ustaz.
Ustazdyń aıtýynsha, "Jeńis dıktanty" degen sharanyń artynda reseılikter tur... Sonda bul qalaı bolǵany?
"Osyndaı "tarıhy" bar R.Jolaev basqaratyn qoǵamdyq uıym men Oqý-aǵartý mınıstri A.Aımaǵambetov arasynda qandaı baılanys bolýy múmkin degen suraq ózinen ózi týyndap tur.. Biletinderdiń aıtýynsha "Jeńis dıktanty" degen sharanyń artynda Reseılikter turǵan kórinedi. Osy ras pa? Al jıynynda siz sóz sóıledi degen "Senimen bolashaq" QB áspettep júrgen Amonashvılı Grýzııada týǵan keńes ǵalymy ekenin kózi qaraqty adam biledi. Onyń uly ótkizgen trenıngten ózińiz úshin jańa ne ala aldyńyz? Sonda sizder Keńes Odaǵyn qaıta tiriltpeksizder me? Osy suraqtarǵa jaýap berińizshi, mınıstr myrza...", -dep jazdy Ómir Shynybekuly óziniń feısbýk paraqshasynda.
"Adyrna" ulttyq portaly
