Orta salmaqtaǧy qazaqstandyq Jänıbek Älımhanūly resmi türde WBO (Düniejüzılık boks ūiymy) nūsqasy boiynşa älem chempiony dep tanyldy, - dep habarlaidy "Adyrna" ūlttyq portaly Vesti.kz saityna sılteme jasap.
Amerikalyq boksşy Demetrius Andrade orta salmaqtaǧy WBO titulynan bas tartyp, super orta salmaqqa köterıldı jäne osylaişa belbeudı ielengen Älımhanūlymen jekpe-jek ötkızbei qaldy. Osylaişa, WBO qazaqstandyqty resmi türde tituldyŋ tolyq iesı dep jariialaudan basqa amaly qalmady.
«Jänıbek Älımhanūly orta salmaqtaǧy uaqytşa chempion märtebesınen bırden tolyq chempion märtebesıne auystyryldy», - delıngen WBO habarlamasynda.
Qazaqstandyq boksşy jelıde özınıŋ jaŋa statusyna qatysty pıkırın bıldırıp ülgerdı.
"Men älem chempionymyn! WBO nūsqasy boiynşa älem chempiony atanǧan tūŋǧyş qazaqpyn. Būl tarih! Men öte quanyştymyn, Alla Taǧalaǧa sansyz şükır!", - dep jazdy ol Instagram paraqşasynda.
Posmotret etu publikasiiu v Instagram
