Qazaq ǧalymdary Darhan Qydyrälı, Näpıl Bazylhan, Nūrbolat Bögenbaev moŋǧoliialyq ärıptesterımen bırlesıp Qūtlyq Elterıs qaǧannyŋ keşenı men jazuyn tapty. Būl turaly Qazaqstan Respublikasynyŋ Memlekettık keŋesşısı Erlan Qarin feisbukqa jariialady, dep habarlaidy "Adyrna" ūlttyq portaly.
«Nomgon» bırlesken ekspedisiiasyn Halyqaralyq Türkı akademiiasy men Moŋǧoliia Ǧylym akademiiasynyŋ Arheologiia instituty bırlesıp jürgızgen bolatyn.
"Mamandar Nomgon keşenın Kültegın men Bılge qaǧannyŋ äkesı, Türık qaǧandyǧyn qaita jaŋǧyrtuşy Qūtlyq Elterıs qaǧanǧa arnalǧan degen tūjyrym jasap otyr. Sonymen qatar tabylǧan bıtıktas «türk» atauy alǧaş ret kezdesetın eŋ köne türkı däuırınıŋ jazba eskertkışı ekenın mälım ettı.Būl türkologiia ǧylymyna ǧana emes, älemdık ǧylymǧa qosylǧan tyŋ jaŋalyq, zor üles. Bügın Darhan Qydyrälımen habarlasyp, qazaq ǧalymdarynyŋ tarihi tabysymen qūttyqtap, quanyşqa ortaqtastyq. Ol juyq arada baspasöz mäslihatyn ötkızıp, bıtıktastaǧy jazulardyŋ syryn aşyp, jalpy jūrtqa jariialaityndaryn aitty. Osylaişa, otandyq ǧalymdar köne zamannyŋ kömbesın tauyp, ony älemdık ainalymǧa engızbek", delıngen jazbada
Ūqsas jaŋalyqtar
