Qazaqstanda qazaq tılınıŋ jaŋa orfografiialyq sözdıgın äzırleu jūmystary bastalady. Būl turaly QR vise-prezidentı Erlan Qarin «qyrküiek» nemese «qyrgüiek» nūsqalarynyŋ qaisysy dūrys jazyluy kerek degen pıkırtalasqa qatysty pıkır bıldırıp, habarlady, dep jazady “Adyrna”.
Qazaq tılı memlekettık tıl märtebesıne ie jäne ıs jürgızu salasynda keŋınen qoldanylatyndyqtan, sözderdıŋ aityluy men jazyluyna qatysty bıryŋǧai normalardyŋ boluy memlekettık apparat jūmysynyŋ tiımdılıgıne tıkelei äser etedı. Vise-prezidenttıŋ aituynşa, memleket būl rette tıldık normalardy özı belgılemeidı, tek osy baǧyttaǧy mamandardyŋ jūmysyn üilestıredı.
«Ärine, memleket belgılı bır sözdıŋ qalai jazyluy keregıne aralasa almaidy jäne aralaspaidy. Būl – sala mamandary men ǧalymdardyŋ jūmysy. Bızdıŋ mındetımız – osy jūmysty tiımdı üilestıru. Sondyqtan eldegı tıl saiasatyn jüzege asyruǧa jauapty mekemelerdıŋ basşylaryn jäne belgılı ǧalymdardy jinap, osy mäsele boiynşa pıkır almastyq», – dedı Erlan Qarin.
Kezdesu qorytyndysy boiynşa bedeldı tıl mamandarynan arnaiy jūmys tobyn qūru turaly şeşım qabyldandy. Jūmys tobynyŋ negızgı mındetı – qazaq tılınıŋ jaŋa orfografiialyq sözdıgın äzırleu. Daiyn bolǧan eŋbek keiın Vedomstvoaralyq komissiianyŋ otyrysynda qaralyp, bekıtıledı.
