Vise-prezident Erlan Qarin ışkı saiasattyŋ üş negızgı basymdyǧyn atady, dep habarlaidy «Adyrna» tılşısı.
«Bırınşı – konstitusiialyq qūndylyqtar. Būlar Prezident Qasym-Jomart Toqaev reformalarynyŋ strategiialyq baǧytynyŋ negızın qūraidy. Būl – Zaŋ jäne Tärtıptıŋ üstemdıgı, jalpyūlttyq bırlık, etnosaralyq jäne konfessiiaaralyq kelısım, mädeniet jäne bılım, ǧylym jäne innovasiialar, eŋbekqorlyq jäne progress qūndylyqtary, qorşaǧan ortaǧa qamqorlyq, jauapty ärı jasampaz patriotizm.
Salalyq organdar Prezidenttıŋ «Qazaqstan Respublikasynyŋ ışkı saiasatynyŋ negızgı qaǧidattaryn, qūndylyqtary men baǧyttaryn bekıtu turaly» Jarlyǧyn jäne Memleket basşysynyŋ tapsyrmasy boiynşa qabyldanǧan Konstitusiiany ılgerıletu jönındegı ıs-şaralar josparyn tyŋǧylyqty türde ıske asyruǧa basa nazar audaruǧa tiıs.
Ata Zaŋnyŋ negızgı erejelerın tüsındırıp, konstitusiialyq qūndylyqtardy därıpteuge qatysty jüielı saraptamalyq-ädıstemelık, aqparattyq jäne mädeni-aǧartuşylyq jūmystar jürgızu qajet»,–dedı ol.
Ekınşı basymdyq retınde jaŋa qoǧamdyq etika ataldy. Būl qoǧamda ozyq mınez-qūlyq normalaryn ornyqtyrudy, ūlttyq qūndylyqtardy nyǧaitudy jäne tarihi derekterdı būrmalauǧa qarsy tūrudy közdeidı.
«Zaŋ jäne Tärtıp» qaǧidatyn praktikalyq tūrǧyda ıske asyruǧa, «Taza Qazaqstan» jobasyn sapaly jürgızuge jäne «Adal azamat» tärbie baǧdarlamasyn tiımdı jüzege asyruǧa erekşe nazar audaryluǧa tiıs. Jūmystyŋ jaŋa täsılderı men formattary qajet. Atap aitqanda, bıryŋǧai sifrlyq platforma qūru, ūlttyq tazalyq standarty men öŋırlerdıŋ tazalyq reitingın engızu arqyly Prezidenttıŋ «Taza Qazaqstan» bastamasyn keŋ auqymda ıske asyru kerek»,–dedı Qarin.
Onyŋ sözınşe, üşınşı basymdyq – bolaşaqqa ūmtylys.
«Būl – ǧylym men bılım, innovasiialar men tehnologiialar, mädeniet pen aǧartuşylyq arqyly adam kapitalyn damytuǧa basa män beru. Tūjyrymdamalyq baǧyt Memleket basşysynyŋ bastamasymen äzırlengen strategiialyq qūjattarda aiqyndalǧan. Būl – eŋ aldymen «Qazaqstan balalary», «Oqityn ūlt», «Digital Qazaqstan» jäne basqalary. Negızgı maqsat – bolaşaqqa senımmen qaraityn küştı memleket pen progressivtı qoǧam qūru. Osylaişa, üş basymdyqtyŋ barlyǧy bız qandai qoǧam qūryp jatyrmyz jäne qandai elde ömır süremız degen basty sūraqtarǧa jauap beredı. Būl üşın jasampaz kün tärtıbı men konstitusiialyq qūndylyqtardy ūstanuymyz kerek»,– dep sözın tüiındedı vise-prezident.
