Sybaılas jemqorlyqqa qarsy is-qımyl agenttigi Arystanbek Muhamedıulynyń isin áli tergep jatyr. Bul týraly Sybaılas jemqorlyqqa qarsy qyzmet málimdedi, dep habarlaıdy “Adyrna” ulttyq portaly.
Antıkor Ulttyq mýzeıdiń dırektory A.Muhamedıuly men basqa da tulǵalarǵa qatysty bıýdjet qarajatyn asa iri mólsherde urlaý jáne laýazymdyq ókilettikterdi teris paıdalaný faktileri boıynsha tergeýdi jalǵastyrýda.
“Tergeý «Altyn adamnyń álem murajaılary boıynsha sherýi» halyqaralyq kórmesin ótkizýge, sondaı-aq «Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrııalyq 3D-skanerleý» jáne «Qazaqstan Respýblıkasynyń Ulttyq ıfrlyq kınokollekııasyn ıfrlandyrý» jobalaryna bólingen bıýdjet qarajatyn urlaý faktileri boıynsha júrgizilip jatyr”, - dep jazylǵan habarlamada.
Sondaı-aq Arystanbek Muhamedıulynyń mádenıet jáne sport mınıstri bolǵanda týystarynyń jáne úlestes tulǵalarynyń menshigine «Sý jáne qoldanbaly sport túrleri boıynsha Respýblıkalyq joǵary sport sheberligi mektebi» RMQK, «Qazaq enıklopedııasy» AQ jáne «Qazaq ǵylymı-zertteý mádenıet ınstıtýty» JShS zańsyz berýge qatystylyǵy tekserilýde.
Tergelip jatqan qylmystyq ister boıynsha memleketke keltirilgen zalaldyń aldyn ala somasy shamamen 7 mlrd teńgeni quraıdy.
Arystabek Muhamedıulynyń qamaýda ustaý merzimi 4 aıǵa deıin uzartyldy.
”Adyrna” ulttyq portaly
