Antikor farmasiia komitetı basşysynyŋ eks-mındetın atqaruşy Larisa Pakqa rūqsat etılmegen tergeu ädısterın qoldanu faktısı boiynşa tergeu bastady. Būl turaly Antikor mälımdedı, dep habarlaidy “Adyrna” ūlttyq portaly.
"Sybailas jemqorlyqqa qarsy qyzmet Densaulyq saqtau ministrlıgı farmasiia komitetı töraǧasynyŋ būrynǧy mındetın atqaruşy Larisa Pakqa qatysty qylmystyq ıstı tergeuge qatysqan Sybailas jemqorlyqqa qarsy ıs-qimyl ūlttyq biurosynyŋ būrynǧy qyzmetkerlerınıŋ rūqsat etılmegen tergeu ädısterın qoldanu faktısı boiynşa sotqa deiıngı tergeudı bastady", - dep habarlady Antikor.
Jedel tergeu toby qylmystyq ıstı 2017-2018 jyldar aralyǧynda tergegen. Keiın qylmys qūramynyŋ bolmauyna bailanysty ıs toqtatyldy.
2019 jylǧy 6 şıldede osy qylmystyq ıs boiynşa küdıktı Larisa Pak qaitys boldy.
2020 jylǧy 7 jeltoqsanda Sybailas jemqorlyqqa qarsy ıs-qimyl agenttıgı qylmys qūramynyŋ bolmauyna bailanysty Larisa Pak tolyq aqtalǧanyn mälımdedı.
"Osy mümkındıktı paidalana otyryp, Sybailas jemqorlyqqa qarsy ıs-qimyl agenttıgı qazır taratylǧan Sybailas jemqorlyqqa qarsy ıs-qimyl ūlttyq biurosynyŋ qūqyqtyq mūragerı retınde Larisa Iýn-Boievna Paktyŋ tuystaryna qaiǧyryp köŋıl aitady jäne keltırılgen ziian üşın resmi türde keşırım sūraidy", - dedı Antikor.
Tergeu jalǧasuda. Özge aqparat tergeu müddesıne bailanysty jariia etılmeidı.
”Adyrna” ūlttyq portaly
Ūqsas jaŋalyqtar
