2017-2018 jyldary «Aqparattyq resýrstarda obektilerdi tanymal etý úshin jalpyulttyq tizbege engizilgen obektilerdiń 3D modelderin qurý» jobasyn iske asyrý kezinde Ulttyq mýzeı basshylyǵyna jáne basqa da tulǵalarǵa qatysty asa iri mólsherde bıýdjet qarajatyn jymqyrý boıynsha sotqa deıingi tergeý júrgizilýde. Bul týraly Sybaılas jemqorlyqqa qarsy is-qımyl Agenttigi jarııalady, dep habarlaıdy “Adyrna” ulttyq portaly.
“Ulttyq mýzeı merdiger uıymdarǵa atalǵan joba aıasynda atqarylǵan jumystar úshin 1,3 mlrd teńge tóledi.
Sonymen qatar, júrgizilgen saraptamalyq zertteý jumystarynyń naqty quny 83,4 mln teńgeni quraǵany anyqtaldy.
Osylaısha, jumys quny 1,2 mlrd teńgege negizsiz ulǵaıtylyp, memleketke asa iri mólsherde zalal keltirdi”, dep jazdy Antıkor.
Tergep-tekserý amaldary jalǵasýda.
“Adyrna” ulttyq portaly
