Qyrǵyzstanda halyq ártisi, baletmeıster Aqan Nurtazın balet mektebiniń stýdentin uryp tastaǵany aıtyldy, dep habarlaıdy “Adyrna” ulttyq portaly.
Qyrǵyzstan BAQ oqıǵanyń ótken jyly bolǵanyn habarlady.
Stýdenttiń aıtýynsha 15 mamyr kúni Bishkek horeografııalyq ýchılıesiniń dırektorynyń qabyldaý bólmesinde ony baletmeıster ura bastaǵan. Qatty soqqydan stýdenttiń mıy shaıqalyp, ustazdyń ústinen aryz túsiripti. Ýchılıe stýdenti soqqydan keıin emtıhandy da durys tapsyra almaı, oqýdan shyǵyp ketkenin aıtady.
Halyq ártisiniń ústinen qylmystyq kodeks boıynsha is qozǵalyp, Aqan Nurtazın kináli dep tanylǵan. Ol bir jyl bas bostandyǵynan aıyryldy.
