23 qyrküiek künı Şymkenttegı M.Ötebaev atyndaǧy joǧarǧy jaŋa tehnologiialar kolledjı jataqhanasynda qaitys bolǧan 16 jastaǧy student Düisen Nūrhattyŋ ata-anasy kolledj äkımşılıgıne kelıp, marqūm balasynan aqşa talap etkenderdı tauyp berudı, oǧan jol bergen qyzmetkerlerdı körsetudı talap ettı, dep habarlaidy “Adyrna” ūlttyq portaly.
Jataqhanada qaitys bolǧan studenttıŋ tuystary kolledj äkımşılıgın kınälady.
Marqūmnyŋ anasy Aijan Qaşaǧanovanyŋ aituynşa, soŋǧy kezde ūly tuǧan-tuystarynan, dos-jarandarynan aqşa sūraǧan. Olar qinalyp jatyr eken dep aqşa bergen. Bıraq ol aqşany kımge bergenın, qaida jūmsaǧanyn eşkım bılmegen.
”Balamnan äldekımder aqşa talap etken. Qorqytqan. Qaitys bolǧannan būryn habarlasty. «Mama, qinalyp kettım» dedı. Artynan «1 aidan soŋ päterge şyǧamyn» dedı. Ne boldy dep edım, «üirenemın, şydaimyn, oqudy qalai da bıtıremın» dedı. Bar aitqany – osy. Üige kelgende söilesemın degem. Bıraq ölıgı keldı”, – deidı etegı jasqa tolǧan marqūmnyŋ anasy.Qaşaǧanovanyŋ aituynşa, Düisennıŋ mınezı momyn, meiırımdı bolǧan. Bala kezınen sportpen ainalysqan. Qol küresten jarystarǧa qatysqan. Düisen Nūrhat kolledj jataqhanasynda keudesı men iyǧyna tigen soqqydan qaitys bolǧan. Ony tuystary tuǧan jerı Türkıstan oblysy Tülkıbas audany Pıstelı auylyna jerledı. Marqūm otbasyndaǧy bes balanyŋ ekınşısı, tört qyzdyŋ ışındegı jalǧyz ūl bolǧan. «Sandyq tehnika» mamandyǧy boiynşa bılım alǧan. Türkıstan oblysy Tülkıbas audany Pıstelı auylyndaǧy Y.Altynsarin atyndaǧy mekteptıŋ 9-synybyn bıtırgen. Marqūmnyŋ tuystary oǧan äldekımder küş körsetıp, aqşa alyp otyrǧan dep sanaidy. Kolledj ǧimaratyna kelıp būǧan jol bergen qyzmetkerlerdı körsetudı, olardyŋ jauap beruın talap etkenımen eşkım şyqpady. Olarǧa jauap beru üşın qalalyq bılım bölımınıŋ basşysy Janat Täjieva keldı.
“Oqiǧaǧa bailanysty qūzyrly organdar tergeu jürgızude. Būdan bölek bılım basqarmasynan arnaiy komissiia qūryldy. Mäsele tärtıptık keŋeste qaralady”, – dedı Täjieva.Būdan būryn bılım basqarmasy 1-kurs studentınıŋ auyr soqqydan esın joǧaltqanyn mälımdegen. Jedel järdem şaqyrylyp, alǧaşqy medisinalyq kömek körsetılgenımen onyŋ ömırın därıgerler saqtap qala almaǧan. Polisiia studenttıŋ keudesı men iyǧyna ekı jıgıttıŋ ūrǧany jönınde aqparat taratty. Bıraq olardyŋ ūstalǧany ne ūstalmaǧany äzırge belgısız. Qalalyq tergeu soty Orda.kz tılşısıne būl oqiǧaǧa bailanysty polisiiadan küdıktınıŋ bas şarasyn belgıleitın qandai da bır ıs tüspegenın habarlady. Polisiia oqiǧaǧa bailanysty Qylmystyq Kodekstıŋ «Densaulyqqa qasaqana auyr ziian keltıru» babymen (106-bap) qylmystyq ıs qozǧaǧan. Arnaiy saraptama taǧaiyndalǧan, tergeu jürıp jatyr.
”Adyrna” ūlttyq portaly
Ūqsas jaŋalyqtar
