Shveıarııa bıligi Vladımır Pýtın men Donald Tramp kezdesý ótkizetin bolsa, ony uıymdastyrýǵa daıyn ekenin málimdedi. Bul týraly eldiń syrtqy ister mınıstrliginiń ókili Nıkolıa Bıdo Le Temps basylymyna bergen suhbatynda aıtty, dep habarlaıdy "Adyrna" ulttyq portaly.
Dıplomattyń aıtýynsha, Shveıarııa AQSh pen Reseı kóshbasshylarynyń sammıtin ótkizýge daıyn. Biraq bul bastamany el óz moınyna almaıdy. Eger taraptar ótinish bildirse, Bern olardy qoldaýǵa ázir.
"Bıýrgenshtokta ótken sammıtten keıin biz Ýkraına, Reseı jáne AQSh taraptaryn turaqty túrde beıbitshilik ornatýǵa baǵyttalǵan dıplomatııalyq kúsh-jigerimizdi qoldaýǵa daıyn ekenimiz týraly habardar etip otyrdyq", – dedi Bıdo.
9 qańtarda Donald Tramp Pýtınmen kezdesý uıymdastyrý josparyn jarııalady.
"Bul qandy qyrǵyndy toqtatýymyz kerek", – dep málimdedi AQSh-tyń bolashaq prezıdenti. Tramp 20 qańtarda qyzmetine kirisedi.
Reseı prezıdentiniń baspasóz hatshysy Dmıtrıı Peskov aldyn ala sharttardyń qajet emes ekenin, Kremldiń dıalog arqyly máselelerdi sheshýdi quptaıtynyn aıtty.
