Qazaqstan Prezidentı Qasym-Jomart Toqaevqa Özbekstan basşysy Şavkat Mirziioevtıŋ qolynan «Olii Darajali Dustlik» («Joǧary därejelı dostyq») ordenı tabys etıldı, dep habarlaidy "Adyrna" ūlttyq portaly.
Būl turaly Aqorda habarlady.
Memleket basşysy marapatty jeke özıne emes, tūtas Qazaqstan halqyna körsetılgen qūrmettıŋ belgısı retınde qabyl alǧanyn atap öttı. Toqaev öz sözınde ekı el arasyndaǧy dostyq pen bauyrlastyq qatynasty nyǧaituǧa qosqan ülesın erekşe baǧalady.
«Būl joǧary nagrada dostyq, beibıtşılık jäne qūrmet sekıldı qūndylyqtardy, sonymen qatar özbek halqynyŋ ruhyn aişyqtaidy. Qazaqstan men Özbekstannyŋ dostyǧy – baǧa jetpes bailyǧymyz. Bız ony saqtap, bauyrlas halyqtardyŋ igılıgı üşın örkendetemız. Bırlesken qajyr-qairattyŋ arqasynda strategiialyq serıktestık pen odaqtastyqty jaŋa mazmūnmen baiyta beremız», – dedı Qasym-Jomart Toqaev.
Özbekstan prezidentı Şavkat Mirziioev Qazaqstannyŋ äleumettık-ekonomikalyq damuy men halyqaralyq arenadaǧy jetıstıkterı tıkelei Toqaevtyŋ basşylyǧyna bailanysty ekenın atap öttı.
«Sızge, elımızdıŋ şyn janaşyryna, Özbekstannyŋ joǧary memlekettık nagradasyn tabystau men üşın ülken märtebe. Būl – köpūltty Özbekstan halqynyŋ Qazaqstan Prezidentınıŋ eren eŋbegıne körsetken qūrmetı men baǧasy. Sızdı bükıl älem körnektı memleket jäne saiasi qairatker retınde tanidy. Sızdıŋ basşylyǧyŋyzben Ädılettı Qazaqstanǧa baǧyttalǧan auqymdy reformalar jürgızılude, barlyq salada jetıstıkter bar. Qazaqstandyqtardyŋ erteŋge senımı zor», – dedı Şavkat Mirziioev.
Marapat räsımı ekı el arasyndaǧy strategiialyq serıktestık pen bauyrlastyq bailanystardy odan ärı nyǧaituǧa degen maŋyzdy qadam retınde baǧalanyp otyr.
