Qostanai oblysynyŋ äkımı Qūmar Aqsaqalov Qostanai qalasyndaǧy Abai Qūnanbaiūly atyndaǧy aralas mektebınıŋ qazaq synybynyŋ jabyluyna bailanysty sūraqqa jauap berdı, dep habarlaidy «Adyrna» ūlttyq portaly.
Ortalyq kommunikasiialar ortalyǧynda äkımge «Qostanaidaǧy Iýbeleinyi şaǧyn audanyndaǧy Abai Qūnanbaiūly atyndaǧy aralas mekteptıŋ basşylyǧy qazaq synybyn jauyp, orys mektebı etkısı kelıp otyr eken. Qazaqtar köp tūratyn audandaǧy mektep taza qazaq mektebı boludyŋ ornyna orys tılınde bılım beruge köşuıne ne sebep bolyp otyr? Būdan sız habardarsyz ba?» degen sūraq qoiyldy.
Qūmar Irgebaiūly atalǧan aqparatty estımegenın eskerttı.
«Menıŋ oiymşa, ol dūrys emes. Qazır qazaq mektebınde oqityn balalardyŋ sany köbeiıp jatyr. Ondai tendensiia bar. Ony jasyratyn eşteŋesı joq. Salynyp jatqan mektepterdıŋ bärı qazaq mektepter. Sondyqtan būl tendensiia jalǧasyn tabady. Al men aitylǧan faktılerdı men tekserıp alaiyn», – dedı ol.
Sondai-aq jurnalister «Qostanai oblysynyŋ bılım basqarmasynyŋ basşysy Aiman İbraeva memlekettık tıldı bılmeitın körınedı. Memlekettık tıldı bılmeitın memlekettık qyzmetşı QazTesten qalai ötuı mümkın?» dep äkımnen sūrady.
Oblys äkımı Aiman Elemenqyzynyŋ memlekettık tıldı jetık bılmeitının moiyndady.
«İä, ondai faktıler bar. Şamaly dep aituǧa bolady. Müldem bılmeidı dep aita almaimyn, bıraq memlekettık tıldı şamaly bıledı. Oǧan talap qoiylyp jatyr. Tek qana Aiman Elemanqyzyna ǧana emes, basqa da azamattar özımızdıŋ ana tılımızde söilesıp, ainalysu kerek», – dedı äkım.
