Qostanaı oblysynyń ákimi Qumar Aqsaqalov Qostanaı qalasyndaǵy Abaı Qunanbaıuly atyndaǵy aralas mektebiniń qazaq synybynyń jabylýyna baılanysty suraqqa jaýap berdi, dep habarlaıdy «Adyrna» ulttyq portaly.
Ortalyq kommýnıkaııalar ortalyǵynda ákimge «Qostanaıdaǵy Iýbeleınyı shaǵyn aýdanyndaǵy Abaı Qunanbaıuly atyndaǵy aralas mekteptiń basshylyǵy qazaq synybyn jaýyp, orys mektebi etkisi kelip otyr eken. Qazaqtar kóp turatyn aýdandaǵy mektep taza qazaq mektebi bolýdyń ornyna orys tilinde bilim berýge kóshýine ne sebep bolyp otyr? Budan siz habardarsyz ba?» degen suraq qoıyldy.
Qumar Irgebaıuly atalǵan aqparatty estimegenin eskertti.
«Meniń oıymsha, ol durys emes. Qazir qazaq mektebinde oqıtyn balalardyń sany kóbeıip jatyr. Ondaı tendenııa bar. Ony jasyratyn eshteńesi joq. Salynyp jatqan mektepterdiń bári qazaq mektepter. Sondyqtan bul tendenııa jalǵasyn tabady. Al men aıtylǵan faktilerdi men tekserip alaıyn», – dedi ol.
Sondaı-aq jýrnalıster «Qostanaı oblysynyń bilim basqarmasynyń basshysy Aıman Ibraeva memlekettik tildi bilmeıtin kórinedi. Memlekettik tildi bilmeıtin memlekettik qyzmetshi QazTesten qalaı ótýi múmkin?» dep ákimnen surady.
Oblys ákimi Aıman Elemenqyzynyń memlekettik tildi jetik bilmeıtinin moıyndady.
«Iá, ondaı faktiler bar. Shamaly dep aıtýǵa bolady. Múldem bilmeıdi dep aıta almaımyn, biraq memlekettik tildi shamaly biledi. Oǵan talap qoıylyp jatyr. Tek qana Aıman Elemanqyzyna ǵana emes, basqa da azamattar ózimizdiń ana tilimizde sóılesip, aınalysý kerek», – dedi ákim.
