Qaraǧandyda ūltaralyq arazdyq qozdyrdy degen küdıkpen 22 jastaǧy Alika Mūhamadieva qamauǧa alyndy. Ol äleumettık jelıde qazaqtardy «mambet», «qalbit», «qazaqşasöileşnik» dep qorlaǧan. Būl turaly Qaraǧandy polisiia departamentı mälımdedı, dep habarlaidy “Adyrna”.
Qaraǧandy oblysynyŋ polisiia departamentı äleumettık jelılerdı baqylau barysynda äleumettık jelı qoldanuşysy tarapynan ūlttyq arazdyqty qozdyru faktısın anyqtaǧan. Būl derek boiynşa QR QK 174-babynyŋ 1-bölıgı boiynşa qylmystyq ıs tırkelıp, küdıktı uaqytşa ūstau izoliatoryna qamaldy.
Tergeu barysynda 22 jastaǧy qaraǧandylyq qyz «Theads» äleumettık jelısınde ūltaralyq arazdyq belgılerı bar jazba jariialaǧany anyqtaldy. Tergeu organdary küdıktınıŋ el aumaǧynan şyǧyp ketpek nietı baryn anyqtap, ony qamauǧa alu turaly ötınış bıldırdı.
22 şılde künı Qaraǧandy qalasynyŋ tergeu soty atalǧan ötınıştı qanaǧattandyryp, tergeu aiaqtalǧanǧa deiın ekı ai merzımge qamauda ūstau türındegı būltartpau şarasyn sanksiialady.
Atalǧan ıs boiynşa sotqa deiıngı tergeu jalǧasuda. Qajettı saraptamalar taǧaiyndaldy. Tergeu nätijesı boiynşa zaŋdy prosessualdyq şeşım qabyldanatyn bolady.
Eske salaiyq, küdıktı Threads jelısındegı bır jazbanyŋ astyndaǧy pıkırlerde qyz qazaqtardy «mambet», «qalbit», «qazaqşasöileşnik» dep ataǧan, al mūsylmandardy «şoşqa» dep qorlaǧan bolatyn. Būl pıkırler jelıde bırden ülken rezonans tudyryp, aşuǧa bulyqqan qoldanuşylar ony ūltarazdyq arazdyq qozdyrǧany üşın jauapqa tartuǧa şaqyrdy. Qyzǧa qatysty polisiiaǧa aryz tüstı.
