Foto: Jİ
Qazaqstanda 2026 jyldyŋ alǧaşqy toǧyz aiynda skriningtık tekseruler nätijesınde anyqtalǧan qaterlı ısık jaǧdailarynyŋ sany ötken jyldyŋ säikes kezeŋımen salystyrǧanda 62%-ǧa östı, dep habarlaidy "Adyrna" tılşısı.
Būl turaly densaulyq saqtau ministrlıgı habarlady.
Ministrlık mälımetınşe, eseptı kezeŋde qaterlı ısıktıŋ 3 016 jaǧdaiy anyqtalǧan. Al byltyr osy uaqytta 1 862 jaǧdai tırkelgen.
Anyqtalǧan aurulardyŋ basym bölıgı süt bezı obyryna tiesılı. Būl diagnoz 2 049 äielden tabylǧan. Körsetkış ötken jylmen salystyrǧanda 58,5%-ǧa artqan. Sondai-aq toq ışek pen tık ışek qaterlı ısıgınıŋ 590 jaǧdaiy anyqtalyp, ösım 78,8%-dy qūrady. Jatyr moiny obyrynyŋ 377 jaǧdaiy tırkelgen. Būl ötken jylǧy körsetkışten 57,7%-ǧa joǧary.
Sonymen qatar aurudy bastapqy kezeŋde anyqtau ülesı 70,3%-dan 71,6%-ǧa deiın ösken.
Densaulyq saqtau ministrlıgınıŋ deregınşe, toǧyz aida onkologiialyq skriningten 3,23 millionnan astam adam ötken. Būl tekserıluge jatatyn halyqtyŋ 57,1%-yn qūraidy.
Qazır Qazaqstannyŋ 20 öŋırınde skrining jürgızudıŋ ortalyqtandyrylǧan jüiesı jūmys ısteidı. Qaterlı ısıkke küdık tuyndaǧan nauqastar üşın qosymşa diagnostikalyq tekserulerden jedel ötu tärtıbı qarastyrylǧan.
Şyǧys Qazaqstan oblysyndaǧy densaulyq saqtau salasynda JCI standarty boiynşa qyzmet körsetu oŋ jolǧa qoiyldy
